Joyeli 1:4 - Bhiblia Yo Sawuleka

⁴ Asi si nga siwa ngu mpungu, si dyitwe ngu humbi, se asi si nga siwa ngu humbi, si dyitwe ngu sitoto, ni si si nga siwa ngu sitoto, si dyitwe ngu titxhowani.

Joyeli 1:4 Referans Kwoze

Joyeli 2:25

Ni na mi tshumetela malembe ale mi nga xaselwa ngu humbi, ni sitoto, ni mipungu, i ku dibutho dangu da hombe ni ngadi rumela kwanu.

Amosi 4:9

Ni mi pekile ngu moya wo hisa, ni ku mi bhirelisa; siyalo sanu sa tithembweni ni mivhinya yanu, ni sa mikuwu yanu ni sa miolivha yanu, si dyitwe ngu bhandala; hambi keto, kha ma hundulukela kwangu, kuwombile Mkoma.

Amosi 7:1

Mkoma Txizimu ani wonisile tiya: A to va nga bhanzala ngu mbimo yile mwasi wu khatako kuthunga, msana ka kuva wu di wilisilwe ngu mfumeli.

Isaya 33:4

Sekoko simaha sanu si na handwa, si txi nga ti va ñolisako tona txhowani; a na ndaka kufana ni humbi yi ndakako.

Masalmo 78:46

Txi ningete timbewu tawe ka mipungu ni mihando ya mtamo wawe ka humbi.

Eksodha 10:4

Ngako u txi simama u lamba, u si leki vathu vangu ve huma, wona taku mangwana ni na tisa humbi kotshe ditikoni kwako.

Jeremiya 51:14

Mkoma wa Mabutho a Tiyimbi a xambanyile ngu ngene apune, a txi khene: Nguditshuri ni na ku tatela vavamna, ku nga tindata, vona va na embelela ngu kutsaka xungetano ni nawe.

Masalmo 105:34

Txizimu txi rumile, ku so humelela humbi; ni txigoñwani txo mbi balwa.

2 Makronika 7:13

Ngako ni txo thuka ni vhala nzuma, ni mati masini, kumbe kurumela tihumbi ti ta heta tithembwe, mwendo ku ni rumela mitungu hagari ka vathu vangu,

Dhewuteronome 28:38

U na dima u txi phaya mbewu yayingi thembweni kwako, aniko u na elula sa sidotho, nguko humbi yi na si heta.

Jeremiya 51:27

Gwimbani m'jeke amu ditikoni, vetani mpundu hagari ka matiko, sawulekisani matiko o wukela ene, kujetelani ti to yi txi mlwisa mifumo ya Ararati, Mini ni Asikenazi; rumani mthangeli wa yimbi a txi ya mu wukela, kwelisani mahantxhi nga tindata.

1 Vafumeli 8:37

Ku txi maneka nzala ditikoni, ku txi humelela mitungu, ku txi maneka kuhya ka timbewu, kujingara ka siyalo, tihumbi ni titshikiti, mbimo yi mlala wako a tsivako sike sako, mwendo kumaneka ka mitungu yokari hambi malwati,

2 Makronika 6:28

Ku txi maneka nzala ditikoni, ku txi humelela mitungu, ni kuyha ka timbewu mwendo sijhingara ka siyalo, ni tihumbi, mipungu, mbimo yi mlala wako a tsivako sike sako, mwendo kumaneka ka mitungu yokari hambi malwati,

Dhewuteronome 28:42

Yotshe mindonga yako ni mihando ya mafu ako, si na dyiwa ngu sikalani.

Eksodha 10:5

Humbi yi na fenengeta otshe mafu, aha koza mafu ma si koteki kuwoneka; humbi yi nadya asi si nga sala, si nga sala ka maralala; kambe yi nadya mindonga yanu yotshe, ayi yi kulako mu tithembweni.

Malakiya 3:11

Se ngu mhaka yanu, ni na tsivela mkhadamuli, ti to asi mi dyeli mihando ya mafu, ni mivhinya ya thembweni yi si mahi sifule, kuwomba Mkoma wa Mabutho a Tiyimbi.