Joyeli 1:3 - Bhiblia Yo Sawuleka

³ Xawutelani matimu awa ka vanana vanu, se vanana vanu ka vanana vawe, ni vanana vava ka limwani liveleko.

Joyeli 1:3 Referans Kwoze

Dhewuteronome 6:7

Awe u na ma gondisa ka vanana vako, kambe u na womba-womba ngu ona, u di khalahatshile m'tini kwako, ni kungako u txi tsimbila amu mapfhumbani kwako, ngako u txi otela, ni kungako u txi wuka.

Masalmo 145:4

Liveleko li na xawutela mithumo yako ka limwani liveleko, se votshe va na huwelela mithumo yako ya mtamo.

Masalmo 71:18

Se konkuwa, ni nga kumba ni basa misisi, awe Txizimu, u nga ni leke, nguko ni ngadi ni txi na xawutela ka liveleko liya ni ka va va nota, wukoma wako ni mtamo wako.

Eksodha 13:14

Ngako mangwana wa ditshiku vanana vanu va txi mi wotisa va txi kha vona: “Toneto ti womba txani kani?” Mi na xamula mi txi khanu: Mkoma a hi humisile ditikoni ka Egipta, nyumbani ka wukhumbi, ngu dianza da mtamo.

Isaya 38:19

Ava va hanyako, va va hanyako, evo va na ku dhumisa, kufana ni ti ni mahako nyamsi; tate a na gondisa ditshuri dako ka vanana.

Masalmo 44:1

Txizimu, athu hipune hi ti engisile va txi xawuta atile hi nga gelwa ngu vakale vathu sidiwukiso si u nga si maha ka masiku a kuhanya kwawe.