Joyeli 1:2 - Bhiblia Yo Sawuleka

² Engisani tiya anu madhota, kambe pfisisani motshenu vaaki va ditiko: Ina ti humelete tiya ka masiku anu kani? Mwendo kambe ka masiku a vatate vanu kani?

Joyeli 1:2 Referans Kwoze

Joyeli 2:2

ditshiku da txidema ni kupandiseka, da marefu ni txidema txo hangalaka; ku nga wuronga wo hangalaka txitimwi ka mimango, mbathu va hombe va mtamo ngutu, ava kukhukhela ka kale, kha va khali ku nga vaho, hambi msana kwawe kha va na mbi vaho ka malembe matako, ka liveleko ni liveleko.

Hoseya 5:1

Engisani tiya anu vaphaxeli, engisani anu va nyumba ya ka Israyeli, engisani anu va nyumba ya mfumeli, nguko kulamula kuwa kulumba anu, wonani taku mi mahile mlawu ka Misipa, ni likoka lo gwimbwa txitimwi ka Tabhori.

Jeremiya 30:7

Yowe! Ani sikwangu! Ditshiku diya da hombe, kha ku na dimwani do fana nado! Kambe i mbimo ya dikhombo ka Jakobe; hambi keto, ka dona, a na huluka.

Jobe 8:8

Nguko ani na ku kombela, wotisa konkuwa ka tihunzu ti ti nga pinda, ti lulamisele kuwotisela vatate vawe.

Matewu 24:21

nguko, keyo mbimo, kuxaniseka ku nava i di ka hombe ngutu, kova ku si zivi kuwonwa, kukhukhela kukhatani ka ditiko kala nyamsi, akuwa kambe ku no mbi nga va ni kumaheka kambe.

Matewu 13:9

Awule a ku ni tinzeve to engisa, a na engise!”

Mika 3:9

Engisani konkuwa tiya anu vathangeli va nyumba ya Jakobe, ni nanu vavathangeli va nyumba ya Israyeli; mi nyenyako wululamo, mi sanula totshe ti i ku madingano,

Mika 3:1

Se ani ni to khani kambe: Engisani konkuwa anu vathangeli va Jakobe, ni nanu vakoma va nyumba ya ka Israyeli: Ina kha ti lumbi anu kuziva madingano kani?

Mika 1:2

Engisani motshenu anu vathu, riya nzeve awe mafu, Mkoma Txizimu a nave fakazi ya ku mi wukela, ene Mkoma wu a ku dithepeleni kwakwe ko sawuleka.

Amosi 5:1

Engisani mhaka yi ni yi wombako, ya txidilo hagari kwanu, awe nyumba ya Israyeli.

Amosi 4:1

Engisani mapswi awa anu vavasikati va Bhasani, mi ku mi mangoni ka Samariya, anu mi xanisaka sisiwana, mi khinyavezako vo pwata, migelako vanyamne vanu mi txi khanu: Wuyisani kheno hi sela.

Amosi 3:1

Engisani mapswi ya a mi kawukako ngu ona Mkoma, anu vanana va ka Israyeli, o kawuka lotshe liveleko li ni nga li humisa ngu Egipta, a txi khene:

Joyeli 1:14

Ti sawuleleni kutitona, nuwelani ditshiku da kutsimbisela, sengeletani madhota ni votshe zumbako ditikoni muwa, Nyumbani ka Mkoma, Txizimu txanu, se mi txi dila ka Mkoma.

Hoseya 4:1

Engisani dipswi da Mkoma, anu vanana va ka Israyeli, nguko Mkoma a ni kuhenyisana ni vaaki va ditiko, nguko kha ku na ditshuri, hambi wunene, mwendo kuziva Txizimu ha mafuni.

Dhaniyeli 12:1

Se ka mbimo yoneyo, ku na humelela Migeli, mthangeli wa hombe, a wuselwako vanana va ditiko dako, kambe ku nava ni mbimo ya kuxaniseka, ko mbi khala kuhumelela, kukhukhela ku nga va ni mfumo kala ka mbimo yile; aniko ka yoneyo mbimo, vathu vako va na hulukiswa, votshe vale va no maneka va di bhatwe amu ka dibhuku.

Jeremiya 5:21

Engisani koko, anu vathu vo bharuka, mi singako ni mapimo, mi ku ni maso ma si woniko, ni tinzeve ti si engisiko!

Isaya 34:1

Tshuketani anu matiko, mi ta engisa; se anu vathu, engisani; mafu ma na tipfe, ni kutala ka ona; mafu ni sotshe si si humako ka ona.

Isaya 7:17

Aniko Mkoma a na tisa txitimwi kwako, ni txitimwi ka vathu vako, ni txitimwi ka nyumba ya tate wako, ngu mfumeli wa Asiriya, masiku o nga ale, ma si khaliko kuta, kukhukhela ditshiku dile Efrayime a nga hambana ni Judha.

Masalmo 49:1

Engisani mhaka yiya, anu vathu va ha mafuni; yi engiseni anu mi nga aka ha ditikoni,

Jobe 21:7

Kasi va hanya ngu kutxani vaonhi, va kumbako, ni kutikarata ngu mtamo kani?

Jobe 15:10

Kambe vaho kwathu vale vokumba vo kumba ngutu, vo kumba kupinda tate wako.

Jobe 12:12

Wutxhari wu maneka ka vahombe, se ni mapimo ngu kutala ka masiku.

Mtuletelo 2:7

Awu a ku ni tinzeve a na engise ati Moya wu embelako Mabanza: Ka wu a no xula, ni na m'tumelela kudya mndonga wa wutomi, wu ku paradhiseni ka Txizimu.