Joyeli 1:14 - Bhiblia Yo Sawuleka

¹⁴ Ti sawuleleni kutitona, nuwelani ditshiku da kutsimbisela, sengeletani madhota ni votshe zumbako ditikoni muwa, Nyumbani ka Mkoma, Txizimu txanu, se mi txi dila ka Mkoma.

Joyeli 1:14 Referans Kwoze

Jona 3:8

Aniko vathu ni sihari si nave si di fenengetilwe ngu masaka, se si dila ngutu ka Txizimu, si txi hunduluka, tximwetxo ni tximwetxo ka nzila ya txona yo biha, ni kulwa kule ku kuho manzani ka sona.

2 Makronika 20:13

Vavamna votshe va ka Judha va to ema masoni ka Mkoma kumweko ni vanana vawe ni vasikati vawe.

Levhi 23:36

Anu, ka ona masikuyo a mtxhanu ni mambidi, mi na maha miningelo yo hiswa ka Mkoma. Ka ditshiku da wutxhanu ni mararu, mi na ramba msengeletano wo sawuleka, mi maha mningelo wa mhamba ka Mkoma. Msengeletano wa m'buso wo gwitisa, mi nga maheni mthumo ni wawumwewo.

Nehemiya 8:18

Se ditshiku ni ditshiku, a ti ti gonda dibhuku da Mlayo wa Txizimu, kukhukhela ditshiku do khata kala ka do gwita. Se va to maha m'buso wa mtxhanu wa masiku ni mambidi, ngu ditshiku da wutxhanu ni mararu, va to maha m'buso wo vhala, madingano ni kuruma ka mlayo.

2 Vafumeli 10:20

Jehu a to womba kambe ku khene: Mahelani Bhahali msengeletano wa lisima. Se va to mahisa toneto.

Esteri 4:16

Tsula u ya sengeleta votshe Vajudha vale va manekako Susani, mi titona sakudya ngu mhaka yangu, mi heta masiku mararu mi si dyi txilo hambi kusela wusiku ni mitshikari, se ani ni mahorana angu hi na maha toneto, hi titona sakudya nathu; ngu kumaha keto, ni na tsula kuya wonana ni mfumeli, hambi ku i singako mlayo; aniko ni txi lova, ni na love.

Jeremiya 36:9

Ngu dilembe da wutxhanu da Jehoyakimu mwana Josiya, mfumeli wa ka Judha, ngu mtxima wa wutxhanu ni mune, ku to pekwa nyiwo ya ditshiku da kuyila masoni ka Mkoma, ka votshe vathu va Jerusalema, ni votshe vathu va humako ngu madhoropani ka Judha va txita Jerusalema.

Joyeli 1:2

Engisani tiya anu madhota, kambe pfisisani motshenu vaaki va ditiko: Ina ti humelete tiya ka masiku anu kani? Mwendo kambe ka masiku a vatate vanu kani?

Jona 3:5

Se vathu va Ninivha va to kholwa ka Txizimu, se ve nuwela mhaka ya kutitona. Se va to ambala masaka, kukhukhela ka wa hombe kala ka wam'dotho.

Zefaniya 2:1

Sengeletanani, ina, sengeletanani anu va ditiko da kwa mbi na tingana,

Jeremiya 14:2

Judha wa dila, miti yakwe yi gumile mtamo, va khalahatsha na va di ambate mizila; Huwa ya pfala ngu Jerusalema.