Joyeli 1:13 - Bhiblia Yo Sawuleka

¹³ Ti khutareleni mi ti dilela anu vaphaxeli; kumani anu vathumeli va txiluvelo; wulelani mi pinda mi di ambate masaka, ni wusiku anu, vathumeli va Txizimu txangu; nguko miningelo ya sakudya ni sa kusela si nga wilwa, nza nyumbani ka Txizimu txanu.

Joyeli 1:13 Referans Kwoze

Jeremiya 4:8

Ngu konaho, ambalani masaka mi dila, ni kudikwila. Nguko kutura ka txiviti txa Mkoma kha ka khukha kwathu.

Joyeli 2:17

Va na dile vaphaxeli, va thumelako Mkoma, hagari ka m'hubhe ni txiluvelo, va ne kha vona: Tsetsa vathu vako, awe Mkoma, kambe u nga ningele thomba yako tinganani, kasi ku matiko ma txi yi xakela: Nguko kutxani va no kha vona ka vathu: Txi hayi Txizimu txawe, kani?

Ezekhiyele 7:18

Kambe va na phamba masaka, kudhudhumela ku na va fenengeta; ka totshe tikhohe tawe ku nava ni tingana, misungo yawe yotshe yi na va tigwayi.

Jeremiya 9:10

Ni na theketa mirongo ni peka huwa ngu mhaka ya mimango, ni dilela wudyiseloni ka txiwula, nguko ku hyite; kha ku ngadi ni m'thu a pindako ngu kona, hambi kupfa kubhoma ka tihomu; sinyana sa nzuma ni sihari si tutumile, si tsute.

1 Vafumeli 21:27

Mbimo yile koko, Akabe a nga pfa mapswi awa, a to vharula syambalo sakwe, a txi fenengeta mmidi wakwe ngu disaka, a txi ti tona; se a ti otela ha masakani, a txi tsimbila-tsimbila, ni dikhodho.

2 Vakorinto 11:23

Nzithumi sa Kristu kani? Ni wombisa wuphuphulu, ni txi khani: Ani na va pala ngutu. Na va pala ngu mithumo, ni seketwe sikhati sasingi mikorani, kupinda vona; ni kwapetwe ngutu ngu sisephu kupinda vona, sikhati sasingi ni manekile ni di ha phangoni ka kufa.

2 Vakorinto 6:4

Aniko, ka totshe hi dhunda kukombisa ti to hi sithumi sa Txizimu; ngu kutimisela ka hombe sikaratoni ni wusiwanani ni mu tiphangoni.

2 Vakorinto 3:6

Txona ngu txona txi nga hi ninga mtamo wa kuthumela Txitumelelano txa Txiphya, i ku txa moya, i si nga ngu mlayo wa kubhalwa nguko mlayo wa kubhalwa wa daya, kasi wona moya wu ninga wutomi.

1 Vakorinto 9:13

Ina kha mi tizivi ti to vaphaxeli va timhamba va hanya ngu sa dithepeleni kani? Ni ti to ava va vhunetelako ha txiluveloni va mana txyavelo txa ha txiluveloni, kani?

1 Vakorinto 4:1

Ti di ngeto, vathu kulaveka va txi hi ziva nga hi sithumi sa Kristu ni ti to hi vaaveli va sixamaliso sa Txizimu.

Isaya 61:6

Aniko anu mi na dhanwa ku mi vaphaxeli va Mkoma, kambe va na mi dhana ku mi sithumi sa Txizimu txathu; mi na dya tithomba ta matiko, mi dhumiswa mu ka wudhumo wa ona.

2 Samuwele 12:16

Se Dhavhidha a to kombelela mwanana ka Txizimu; kambe Dhavhidha e ti tona sakudya, e wulela nyumbani e otela hahatshi wusiku wotshe.

Mitengo 29:6

Hahanze ka mphaxo wa kuhiswa wa mtxima, ni mningelo wa kona wa sakudya, ni mphaxo wa kuhiswa wa yotshe mbimo, ni mningelo wa kona wa sakudya, ni sa kusela sa kona, madingano ni sileleto sa kona, mphaxo wo bhumula, mningelo wo hiswa, ka Mkoma.

Mtuletelo 11:3

Aniko ni na ninga mtamo ka tifakazi tangu ta timbidi kasiku ti txi profeta, ti di ambate masaka, mndani ka 1.260 wa masiku.”

Isaya 22:12

Se Mkoma, Mkoma wa Mabutho a Tiyimbi, a na mi dhana ka ditshiku dile, kuya dila, ni kuya peka huwa, ni ku kuyula misungo, ni ka muambalisi wa masaka.

Ezekhiyele 21:12

Kwangula u txi dhudhumela, awe mwanana wa m'thu, nguko di na wukela vathu vangu, di na wukela votshe vathangeli va ka Israyeli; va na xamala vathu vangu, ngu mhaka ya ditxhari; peka nyonga yako koko.

Hoseya 9:5

Mi na maha txani anu ka ditshiku da mpipi ni ka ditshiku da m'buso wa Mkoma kani?

Joyeli 2:14

I mani a ti zivako taku Txizimu mwendo txi nga tshumela txi tilaya, ngu msana e mi ninga makatekwa, mi maha miningelo ya sakudya ni sa kusela, ka Mkoma, Txizimu txanu kani?

Mitengo 28:4

Ni mixo u na phaxa ngu txinvutana, ni minova u phaxa ngu tximwani txinvutana;

Mitengo 28:7

Mningelo wa sa kusela wu na va wa mpimo wa wumune wa hini, wa txinvutana txo khata: Vhinya ya yinene yi na thelwa kasi kuninga Mkoma ha wukhaloni ko sawuleka.

Mitengo 28:14

Se mningelo wa kona wa sa kusela, mbwa diphikama da hini ya vhinya, ka dirole, ni mpimo wa wuraru wa hini ka hamba, mpimo wa wumune wa hini ka txinvutana tximwetxo; awuwa mphaxo wa kuhiswa, wa kumeka ka mtxima ni mtxima, madingano ni mitxima ya dilembe.

Ezekhiyele 27:31

Kambe va na yola misungo ngu mhaka yako, ve ambala masaka va na dila kwako ngu kupandiseka ka moya, ngu kudila ka hombe.

Joyeli 2:12

Hambi keto, konkuwa, kuwomba Mkoma: Hundulukelani kwangu ngu mbilu yanu yotshe; totshe eto, ngu kutitona, ni kudila, ni huwa.