Joyeli 1:12 - Bhiblia Yo Sawuleka

¹² M'vhinya wu omile, mkuwu wu wunile; mromani ni wona, ni mtxhese ni m'hapula; yotshe mindonga ya txitinga yi omile, hambi litsako li omile ka vanana va vathu.

Joyeli 1:12 Referans Kwoze

Isaya 24:11

Ku ni tihuwa amu ka tinzila ta hombe, ngu mhaka yo lava vhinya; kotshe kutsaka ku phumile, ni misakano ya mafu yi gumile.

Isaya 16:10

Se kubhuma ni litsako si thavisilwe thembweni ko nona, mivhinyani kha kuembelelwi, kambe kha ku nga ni kutsaka ka hombe ni kakumweko; ni mkami kha na mbi kamela kambe mauvha amu mapipani. Ani ni malatile kutsaka ka hombe.

Joyeli 1:16

Ina sakudya kha sa wilwa hi txi si wona kani? Kutsaka ni kuembelela, nyumbani ka Txizimu txathu kani?

Joyeli 1:10

Thembwe yi fuvisilwe, se mafu ma ha kupandisekani; nguko fulaho yi fuvisilwe, vhinya ya yiphya yi omile, ni mafura ma pwateka.

Ndando ya Tindando 2:3

Hagari ka vanana, txirandwa txangu txi fanana ni mndonga wa mahapula awu wu ku hagari ka mindonga ya txitinga; ngu kutsaka ka hombe, ni khalahatshile mtsudini kwakwe; mihando ya wona ya tshamba mkanani kwangu.

Hagayi 2:19

Ina yi nga diho mbewu txisangalani kani? Hambi m'vhinya, hambi mkuwu, hambi mromani, hambi muolivha, kha si khali kuninga mihando ya sona, aniko kukhukhela ka ditshiku diya na mi katekisa.

Jeremiya 48:33

Kutsaka ni kunengela si thavisilwe thembweni ko nona ni ditikoni ka Mowabhi; nguko ni mahile ti to yi guma vhinya mapipani: Kha va na mbi rukuta mauvha ngu kutsaka: Kutsaka ku na maha tihuwa.

Jeremiya 48:3

Ka pfala tihuwa kona Haronayime: Ta dirumbi ni kuhasamulwa ka hombe!

Isaya 9:3

Awe u andisile vathu vava, u engetete kutsaka kwawe, votshe va na tsaka masoni kwako, ku nga tile va tsakisako tona va di kufunyelani, ni ti va tsakisako tona va di kuabanelani ka sile va nga handa.

Ndando ya Tindando 4:13

Kuthunga kwako kufana ni thembwe ya maromani, yi ku ni mihando ya yinene: I ku sipresite ni nardhu.

Masalmo 92:12

Mlulami a na kula kufana ni mkhokho ene a na lapha kufana ni mndonga wa mkedhari wa Libhanoni.

Masalmo 4:7

U vekile litsako la hombe mbiluni kwangu kupinda la vale va tsakelako kupfuna ngu fulaho ni vhinya.

Mitengo 13:23

Kambe va to hoka mkovani ka Exikoli, konemo va to phatula didhavi da muuvha, ni txizangwa txa mauvha, ve ta hayeka ka donga, vathu vambidi ve pakata, ni maromani, ni makuwu.

Isaya 24:7

Dosi ya dila, ni m'vhinya wa guma mtamo, se votshe vale va tsakako timbiluni kwawe, va na keta.

Jona 4:7

Aniko, Txizimu txi to rumela mpungu, ngu kugwimba ka wuronga mangwanani ka kona, wu txi ya daya thanga, se yi txi oma.

Malakiya 3:11

Se ngu mhaka yanu, ni na tsivela mkhadamuli, ti to asi mi dyeli mihando ya mafu, ni mivhinya ya thembweni yi si mahi sifule, kuwomba Mkoma wa Mabutho a Tiyimbi.