Joyeli 1:10 - Bhiblia Yo Sawuleka

¹⁰ Thembwe yi fuvisilwe, se mafu ma ha kupandisekani; nguko fulaho yi fuvisilwe, vhinya ya yiphya yi omile, ni mafura ma pwateka.

Joyeli 1:10 Referans Kwoze

Hoseya 4:3

Ngu kumaha keto, ditiko di na dila, ni wuhi wule a zumbako ka dona a na guma mtamo, ni sihari sa txitinga ni sinyana sa nzumani; hambi sihaka sa linene si na loviswa.

Hoseya 9:2

Dithala ni mkawu kha si na mbi mi zumbisa; se vhinya yi na pwateka.

Jeremiya 12:11

Va di onhile, da dila kwangu nguko di mahisilwe dirumbi; ditiko dotshe di mahile dirumbi! Nguko kha ku na m'thu a di khatalelako.

Joyeli 1:5

Vhumukani anu madevi, mi dila; pekani huwa motshenu mi selako vhinya, ngu mhaka ya vhinya ya yiphya nguko ya thaviswa mkanani kwanu.

Hagayi 1:11

Se ni tisile kuoma txitimwi ka mafu, ni txitimwi ka mimango, ni txitimwi ka fulaho, ni txitimwi ka mivhinya, ni txitimwi ka mafura, ni txitimwi ka sotshe asi mafu ma si humisako, kumweko ni txitimwi ka vathu, ni txitimwi ka sihari, ni txitimwi ka yotshe mithumo ya manza.

Joyeli 1:12

M'vhinya wu omile, mkuwu wu wunile; mromani ni wona, ni mtxhese ni m'hapula; yotshe mindonga ya txitinga yi omile, hambi litsako li omile ka vanana va vathu.

Jeremiya 48:33

Kutsaka ni kunengela si thavisilwe thembweni ko nona ni ditikoni ka Mowabhi; nguko ni mahile ti to yi guma vhinya mapipani: Kha va na mbi rukuta mauvha ngu kutsaka: Kutsaka ku na maha tihuwa.

Jeremiya 12:4

Ina ditiko di na keta kala yihi mbimo kani? Mwasi wu txi oma txitingani, ngukonaho ka wubihi wa va va zumbako emo kani? Sihari ni sinyana sa lova, nguko va kha vona: Kha na mbi wona kugwitelwa kwathu.

Isaya 24:11

Ku ni tihuwa amu ka tinzila ta hombe, ngu mhaka yo lava vhinya; kotshe kutsaka ku phumile, ni misakano ya mafu yi gumile.

Levhi 26:20

Mi na xakela walo mitamo yanu, nguko mafu anu kha ma na mbi nona me pfunisa silo sanu, ni mindonga ya mu ditikoni kwanu, kha yi na mbi veleka mihando ya yona.

Genesisi 4:12

Hambi u txi dima mafu, kha ma na mbi kuninga txilo txa mihando ya ona. U na pepeseka u tutuma-tutuma ha mafuni.”

Isaya 15:6

Nguko mati a Ninirimi ma nava ma di phwite; nguko mwasi wu omile, kupwateka ni diphundenyana se kha ku nga ni dizokoro ni da dimwedo do rumbuka.

Isaya 24:7

Dosi ya dila, ni m'vhinya wa guma mtamo, se votshe vale va tsakako timbiluni kwawe, va na keta.

Joyeli 2:19

Se Mkoma a na xamula ka vathu vakwe, a txi khene: Wonani taku ni na rumela fulaho, ni vhinya yo lombela, ni mafura, mi na khura ngu sona, kha ni na mbi mi ningela kambe tinganani, hagari ka matiko.

Habhakuki 3:17

Hambi keto, hambi mkuwu wu si nzi kuhuma siluva, hambi ku si maneki mihando amu ka mu uvha, mihando ya muolivha yi nga woneke, ni tithembwe ti nga humise sakudya, txi bala txa tinvuta txi na fuviswe, ni sibalani ku nga maneke tihomu ta mikati.

Malakiya 2:3

Wonani taku ni na sinisa timbewu tanu, ni mi thela ngu mswanye tikhoheni kwanu, mswanye wa mibuso yanu; se mi na tshotshwa kumweko nawo.