Joxuwa 9:8 - Bhiblia Yo Sawuleka

⁸ Sekoko va to kha vona ka Joxuwa: “Athu hi sithumi sako.” Se Joxuwa a to va wotisa ku khene: “Kasi anu nganu vamani, ni kumita ngu hani kani?”

Joxuwa 9:8 Referans Kwoze

2 Vafumeli 10:5

Sekoko awule a ngadi mxayisi wa nyumba, ni mthangeli wa didhoropa, ni madhota, ni vaxayisi, va to rumela ka Jehu dipswi do kha vona: Sithumi sako ngu ngathu, ni tihi ti u no hi ruma hi na maha; kha hi nga ni mmwani wo mfumisa; maha ti u no ti wona masoni kwako.

Dhewuteronome 20:11

Se ngako va txi kuangula ngu kuthutha va txi kutulela matimba, vathu votshe vale va manekako, ka didhoropa donedo, va na va tikhumbi tako, va txi kuthumela txibhalo.

Joxuwa 9:11

Ngu kumaha keto, madhota athu ni votshe vaaki va ditikoni kwathu, va hi gete va txi kha vona: “Tekani timbuva ta nzila manzani kwanu, se tsulani mi txi va hingeta, mi txi va gela tiya: Athu hi sithumi sanu, mahani koko konkuwa txitumelelano ni nathu!”

Joxuwa 9:27

Se ka dona ditshiku dile, Joxuwa a va mahile valavi va tikhuni, ni vareki va mati a msengeletano, ni a txiluvelo txa Mkoma, kala ka ditshiku da nyamsi, ka wukhalo wu a nga wu sawula.

Joxuwa 9:25

Se konkuwa wona taku hi manzani kwako, maha ti u ti wonako i di ta tinene kwako, na ti di lulamile ku u txi hi maha.”

Joxuwa 9:23

Konkuwa koko, mi ruketetwe, kambe kha mi na mbi leka ku va tikhumbi, hambi valavi va tikhuni, mwendo vareki va mati, kasi kuyisa nyumbani ka Txizimu txangu.”

Joxuwa 10:6

Ti di ngeto, vathu va Gibheyoni va to rumela m'biko ka Joxuwa, wugoveloni ka Giligali, va txi kha vona: “U nga leke sithumi sako, kuluveta u txi ta kheno kwathu, kasi u ta hi hulukisa ni ku hi lwela, nguko votshe vafumeli va Vaamori, avale va nga aka mimangoni, va tshanganile kasi kutalwa ni nathu.”