Joxuwa 9:7 - Bhiblia Yo Sawuleka

⁷ Se va ka Israyeli va to xamula ka Vahevhi, va txi kha vona: “Kutilava mi akile hagari kwathu; hi nga mahisa kutxani koko txitumelelano ni nanu kani?”

Joxuwa 9:7 Referans Kwoze

Joxuwa 11:19

Di walo didhoropa di nga maha txitumelelano txa kudikha ni vanana va ka Israyeli, hahanze ka Vahevhi, avale va nga ti akile Gibheyoni; otshe madhoropa va ma tekile ngu mtamo wa yimbi.

Valamuli 2:2

Se anu koko, mi nga maheni txitumelelano ni vaaki va ditiko diya; aniko khundumuselani siluvelo sawe.” Kambe anu, kha ma engisa dipswi dangu. Ngu kutxani mi nga mahetela toneto kani?

Joxuwa 9:1

Se ku to maheka taku, mbimo yile va nga tipfa votshe vafumeli va va nga ti ti mtxhatuko ka Jordhani, mimangoni ni tibalani, ni kotshe mabambe ka Linene la Hombe, ni masoni ka Libhanoni, Vaheti ni Vaamori, ni Vakanana, ni Vaferezi, ni Vahevhi, ni Vajebhusi,

Dhewuteronome 20:16

Kambe ka madhoropa a matiko awa Mkoma, Txizimu txako, a no kuninga ma txi maha thomba yako, u nga leke ni txa tximwetxo txivangwa txi txi hanya.

Mitengo 33:52

mi na tutumisa votshe va zumbako ka dona, masoni kwanu, ni kukhundumusela sotshe sithombe sawe; kambe mi na khundumusela sotshe sifananiso sawe sa tisimbi, mi na khundumusela sotshe sithombe sawe;

Eksodha 34:12

Ti wonele, u nga mahe Txitumelelano txihi ni txihi ni vaaki va ditikodo uyako ka dona; kasiku va si thuki va txi kuriyela u txi zwetwa, u txi lova.

Eksodha 3:8

Ngu mhaka yeto ni relete kasiku ni txi va thusa mu manzani ka Vaegipta, ni txi va humisa ka ditiko donedo, va txi ya ka ditiko da dinene, da hombe, ditiko di di khulungako masi ni wulombe, wukhalo wa Vakanana, wa Vaheti, wa Vaamori, wa Vaferezi, wa Vahevhi ni wa Vajebhuzi.

Genesisi 34:2

Sikemi mwana Hamori, muhevhi, mfumeli wa ditiko, mbimo yi a nga mu wona, a to mñola, a txi otela nayo ngu kummahisa.

Genesisi 10:17

Vahevhi, ni Vaaraki, ni Vasini,

Valamuli 3:3

Mtxhanu wa vathangeli va Vafilista, ni votshe Vakanana, ni Vasidhoni, ni Vahevhi, vale va nga ti akile mmangoni ka Libhanoni, kukhukhela mmangoni ka Bhahali-Hermoni kala ka txike txa Hamati.

Eksodha 23:22

Aniko ngako u txi engisa ngu kuthembeka u txi maha totshe atile ni no kugela, sekoko ni na va ni di mlala wa valala vako ni txi wukela avale va kuphikako.

2 Samuwele 24:7

Se va to ya mkhokholani ka Tiro, ni ka otshe madhoropa a Vahevhi ni a Vakanana, ve huma ngu didhawa da wulambwe ka Judha, veya Bherisebha.