Joxuwa 9:6 - Bhiblia Yo Sawuleka

⁶ Se va to ta wugoveloni ka Joxuwa, kona Giligali, va txi ya gela Joxuwa ni va ka Israyeli, va txi kha vona: “Hi ta ngu ditikoni ka kule, mahani koko konkuwa txitumelelano ni nathu.”

Joxuwa 9:6 Referans Kwoze

Joxuwa 5:10

Mbimo yile koko vanana va ka Israyeli va nga ti govile Giligali, va to maha txialakanyiso txa Pasika, ka ditshiku da digumi ni mune ka mtxima, ni minova, tibalani ka Jeriko.

2 Vafumeli 20:14

Sekoko mprofeti Isaya a tile ka mfumeli Ezekhiya, a txi ta khene: Vavamna vale va ti kha vona txani, niku va khukhete hani va txi ta kwako kani? Se Ezekhiya a to khene: Va tile ngu ka ditiko da kule ngutu, i ku Bhabhilona.

1 Vafumeli 8:41

Mu engise nene mluveli wule i singako wa vathu vako va ka Israyeli, wa kuva a tako ngu ka matiko a kule, ngu kuranda ditina dako

Joxuwa 10:43

Sekoko Joxuwa ni votshe va ka Israyeli, va to tshumela ve wuya wugoveloni ka Giligali.

Joxuwa 9:9

Se va ka Gibheyoni va to mxamula, va txi kha vona: Sithumi sako sita ngu ka ditiko da kule ngutu, ngu mhaka ya ditina da Mkoma, Txizimu txako, nguko hi pfite nduma yakwe, ni totshe ti a nga maha kona Egipta;

Joxuwa 9:5

se mikondoni va di ni tikathula ta kale, to rungetetelwa, va di ambate simaha sa kale; totshe timbuva ti va nga ti nato, ti di omile, na ti di furile.

Joxuwa 4:19

Vathu va to huma koko ngu Jordhani, ngu ditshiku da digumi ka mtxima wo khata; se va to ya gova Giligali, ngu diphambo da wutxani ka Jeriko.

Joxuwa 10:6

Ti di ngeto, vathu va Gibheyoni va to rumela m'biko ka Joxuwa, wugoveloni ka Giligali, va txi kha vona: “U nga leke sithumi sako, kuluveta u txi ta kheno kwathu, kasi u ta hi hulukisa ni ku hi lwela, nguko votshe vafumeli va Vaamori, avale va nga aka mimangoni, va tshanganile kasi kutalwa ni nathu.”