Joxuwa 9:22 - Bhiblia Yo Sawuleka

²² Se Joxuwa a to va dhana a txi va gela ku khene: “Ngu kutxani mi nga hi xenga mi txi khanu: Hi akile kule ngutu ni nanu, na kuve anu mi akile hagari kwathu kani?

Joxuwa 9:22 Referans Kwoze

Joxuwa 9:6

Se va to ta wugoveloni ka Joxuwa, kona Giligali, va txi ya gela Joxuwa ni va ka Israyeli, va txi kha vona: “Hi ta ngu ditikoni ka kule, mahani koko konkuwa txitumelelano ni nathu.”

Joxuwa 9:16

Se ku to maheka taku, ku di gumile masiku mararu, na va di mahile txitumelelano navo, va pfite taku, i ti ti vaakelani vawe, ni ti to va ti ti hanya hagari ka va ka Israyeli.

Genesisi 29:25

Mangwanani ka kona ni mixo, Jakobe a to wona ti to i Leya a nga ningwa, se Jakobe a to womba ka Labhani, a txi khene: “Njitxani u nga ni mahela kani? Ina kasi ani kha na thumela Rakeli m'tini kwako kani? Ngu kutxani u txi ni kanganyisa kani?”

2 Vakorinto 11:3

Aniko na thava tito, ngako mnyoka wu nga kanganyisa Evha ngu marindi a wona, mialakanyo yanu ni yona yi nga onhwa, mi txi thaviswa ka wunene wu wu ku ka Kristu.

Joxuwa 9:3

Aniko vaaki va Gibheyoni, ngako va di pfite ti Joxuwa a nga maha kona Jeriko ni Ayi,