Joxuwa 9:21 - Bhiblia Yo Sawuleka

²¹ Se vathangeli koko va to va gela ku kha vona: Va na hanye. Se va to maha valavi va tikhuni, ni vareki va mati a wotshe msengeletano, nga ti vathangeli va nga ti ti va gelisile tona.”

Joxuwa 9:21 Referans Kwoze

Dhewuteronome 29:11

ni vanana vanu, ni vasikati vanu, ni mluveli wu a ku mu wugoveloni kwanu, kukhukhela ka wule a gangako tikhuni tako kala ka wule a rekako mati ako.

Joxuwa 9:27

Se ka dona ditshiku dile, Joxuwa a va mahile valavi va tikhuni, ni vareki va mati a msengeletano, ni a txiluvelo txa Mkoma, kala ka ditshiku da nyamsi, ka wukhalo wu a nga wu sawula.

Joxuwa 9:23

Konkuwa koko, mi ruketetwe, kambe kha mi na mbi leka ku va tikhumbi, hambi valavi va tikhuni, mwendo vareki va mati, kasi kuyisa nyumbani ka Txizimu txangu.”

Joxuwa 9:15

Se Joxuwa a to engisana navo e maha txitumelelano kumweko navo, txa ku a na va hulukisa; se vathangeli va msengeletano va to va mahela txixambanyo.

Joxuwa 9:20

Ati hi no maha ka vona ngu tiya: Hi na va leka ve hanya, kasi ku hi si ti ndindeli kuhenya, ngu mhaka ya txixambanyo txi hi nga txi maha kwawe.

Jeremiya 46:22

Dipswi dakwe do nga da mnyoka; nguko va nata ngu wungi, va nata kwakwe ni matxhapu, nga vagangi va tikhuni.

Dhewuteronome 29:10

Anu motshe mi emile nyamsi ka Mkoma, Txizimu txanu, ni misungo ya tihunzu tanu, ni madhota anu, ni vathangeli vanu, ni votshe vathu va ka Israyeli,

Joxuwa 10:1

Se ku to maheka taku ngako, Adhonizedheki, mfumeli wa Jerusalema, a di engisile tito, Joxuwa a tekile didhoropa da Ayi, kambe a di khundumusete dotshe, ni ti to a mahile ka didhoropa da Ayi ni ka mfumeli wa kona, ati a nga maha ka didhoropa da Jeriko ni ka mfumeli wa kona, ni ku vaaki va Gibheyoni va mahile txitumelelano kumweko ni va ka Israyeli, kambe va zumbile hagari kwawe,