Joxuwa 9:18 - Bhiblia Yo Sawuleka

¹⁸ Se vanana va ka Israyeli kha va va daya, nguko vathangeli va msengeletano va va mahete txixambanyo ngu Mkoma, Txizimu txa Israyeli; ngu kumaha keto, wotshe msengeletano wu ti ti ngungurukela wu txi sola vathangeli.

Joxuwa 9:18 Referans Kwoze

Masalmo 15:4

awule a solako ava vo biha, aniko a txi dhunda avale va thavako Mkoma; awule a mahako ti a nga thembisa, hambi ene a txi luzekelwa;

Ekleziyaste 9:2

Totshe ti humelela ngu kufana masoni ka votshe: toneto, ta humelela ka wo lulama ni ka wo biha, ka wamnene ni ka wo sawuleka, kufana ni ka wo mbi sawuleka; ngu toneto ka wule a ti karatako, kufana ni ka wu asi ti karatiko; ka wamnene kufana ni ka muonhi; ka wule a xambanyako kufana ni ka wule a thavako kuxambanya.

Ekleziyaste 5:6

U nga tumele taku txisofu txako txi onhisa mmidi wako, hambi kuwomba masoni ka ngelozi taku i phazamo; ngu kutxani Txizimu txi no henyela dipswi dako, txi khundumusela mithumo ya manza ako kani?

Ekleziyaste 5:2

U nga kuluvetise txisofu txako, hambi mbilu yako yi nga kuluvete kuwomba dipswi dokari masoni ka Txizimu; nguko Txizimu txi nzumani, awe u txitimwi ka mafu; ngu toneto, mapswi ako ma nave amadotho.

2 Samuwele 21:7

Kambe mfumeli a to felela Mefibhosete mwana Jonatani, mwana Sawule, ngu mhaka ya txixambanyo txa Mkoma, txi txi nga ti tiho kwawe, hagari ka Dhavhidha ni Jonatani, mwana Sawule.

Joxuwa 9:17

Nguko mbimo yi va nga khukha vanana va ka Israyeli, va to hoka madhoropani kwawe ngu ditshiku da wuraru; se madhoropa a kona ngu awa: Gibheyoni, Kefira ni Bheherote, ni Kiriyate-Jeyarimi.

Joxuwa 9:19

Sekoko votshe vathangeli va wombile ka msengeletano wotshe, va txi kha vona: “Athu hi va mahete txixambanyo ngu ditina da Mkoma, Txizimu txa Israyeli; ngu mhaka yeto, kha hi sikoti ku va maha txilo.

Mitengo 30:3

Kambe ngako wamsikati wu a sanziko kutekwa, a txi thembisa ka Mkoma kumaha to kari mwendo kuxambanya ku a na ti leka,

Dhewuteronome 23:22

Kambe ngako u sa xambanya kumaha txilo, khu na mbi va ni txionho.

Dhewuteronome 23:23

Aniko ti karate u tsanisa ni kumaha dipswi di u ngadi womba ngu txisofu txako, u txi maha mningelo ngu kuranda kwako upune ka Mkoma, Txizimu txako, nga ti ti humako ngu txisofuni kwako.

Dhewuteronome 23:24

Ngako u txi wulela thembweni ka mivhinya ya muakelani wako, u na dya mauvha nga ti u ti lavisako tona, kala u txi khura, aniko u nga teke o veka thavanguni.