Joxuwa 9:17 - Bhiblia Yo Sawuleka

¹⁷ Nguko mbimo yi va nga khukha vanana va ka Israyeli, va to hoka madhoropani kwawe ngu ditshiku da wuraru; se madhoropa a kona ngu awa: Gibheyoni, Kefira ni Bheherote, ni Kiriyate-Jeyarimi.

Joxuwa 9:17 Referans Kwoze

Ezra 2:25

Vanana va Kiriyati-Arimi, ni Sefira, ni Bheherote, 743.

Nehemiya 7:29

Vavamna va Kiriyate-Jeyarimi, Kefira ni va Bheherote, 743.

1 Makronika 21:29

Nguko ditenda da Mkoma, dile Mosi a nga gwimba txiwulani, ni txiluvelo txa mphaxo wa kuhiswa, ka yona mbimo yile, si ti ti mmangoni ka Gibheyoni.

1 Samuwele 7:1

Sekoko vathu va Kiriyate-Jeyarimi va to ta, ve ta teka dibhokiso da Mkoma, ve tsula nado nyumbani ka Abhinadhabhi, mmangoni; se va to sawulekisa Eleyazari, mwana Abhinadhabhi, kuva mxayisa wa dibhokiso da Mkoma.

Joxuwa 18:14

Muhingano wu txi jika wu txi ya mswa-ditambo, ngu didhawa da wulambwe ka mmango wu wu ku ngu masoni ka Bheti-Horoni ka wulambwe, wu txi gwitela masoni ka Kiriyati-Bhahali, nyamsi i ku Kiriyati-Yarime, didhoropa da vanana va ka Judha, ngu didhawa da mswa-ditambo.

Joxuwa 15:60

Kariyati-Bhahali i ku Kariyati-Jarimu ni Rabha: Mambidi madhoropa ni sidhoropana sa kona.

Joxuwa 15:9

Kukhukhela txitimwi ka muhingano wu komba kuya mlongani ka mati a Neftowa, wu txi komba kuya madhoropani ka mmango wa Efroni, wu tshumela wu txi komba kuya Bhahala i ku Karime-Tiyarime.

Joxuwa 10:2

a to telwa ngu dizowa ngutu, ene ni vathu vakwe, nguko Gibheyoni i ti ti Didhoropa da Hombe, kufana ni mamwani madhoropa a wukoma, i ti ti da hombe kupinda Ayi, ni vavamna va kona i ti ti tindena.

Joxuwa 9:3

Aniko vaaki va Gibheyoni, ngako va di pfite ti Joxuwa a nga maha kona Jeriko ni Ayi,

Joxuwa 9:9

Se va ka Gibheyoni va to mxamula, va txi kha vona: Sithumi sako sita ngu ka ditiko da kule ngutu, ngu mhaka ya ditina da Mkoma, Txizimu txako, nguko hi pfite nduma yakwe, ni totshe ti a nga maha kona Egipta;

Joxuwa 9:16

Se ku to maheka taku, ku di gumile masiku mararu, na va di mahile txitumelelano navo, va pfite taku, i ti ti vaakelani vawe, ni ti to va ti ti hanya hagari ka va ka Israyeli.

Joxuwa 9:18

Se vanana va ka Israyeli kha va va daya, nguko vathangeli va msengeletano va va mahete txixambanyo ngu Mkoma, Txizimu txa Israyeli; ngu kumaha keto, wotshe msengeletano wu ti ti ngungurukela wu txi sola vathangeli.

Joxuwa 18:15

Ka didhawa da wulambwe muhingano wu khukhela Kiriyati-Jearime, wu txiya diphambo da mswa-ditambo, hafuhi ka txisima txa mati txa Neftowa.

Valamuli 18:12

Se va to kwela va txi ya gova Kiriyate-Jeyarimi, kona Judha; ngu mhaka ya eto, wukhalowo va to wu dhana ku i Mahane-Dhani, kala ka ditshiku da nyamsi; wukhalowo wu maneka msana ka Kiriyate-Jeyarimi.

1 Samuwele 6:21

Va to rumela mitumi koko, ka vaaki va Kiriyate-Jeyarimi, va txi kha vona: Vafilista va wuyisile dibhokiso da Mkoma; relelani koko, mi ya di teka mi tsula nado.

2 Samuwele 4:2

Se mwana Sawule a ti ti ni vavamna vambidi va vathangeli va mabutho a yimbi; mmweyo wawe i ti ti Bhahana, se ditina da mmwani i ti ti Rekabhi, vanana va Rimomi, mubheyerote, wa vanana va ka Bhenjamini, nguko Bheyerote nene a ti ti balwa ka Bhenjamini.

1 Makronika 2:50

Vanana va Kalebhi, mwana Huri, matiwula a Efrata ngu vava: Sobhali, tate wa Kiriyate-Jeyarimi,

1 Makronika 2:52

Se vanana va Sobhali, tate wa Kiriyate-Jeyarimi, ngu vava: Harowe, ni hafu ya va ka Menoni.

1 Makronika 2:53

Se mimwaya ya Kiriyate-Jeyarimi, mba ka Itrita, ni va ka Pute, ni va ka Sumati, ni va ka Misirayi; ngu ka vava ku to huma Vazorati, ni va ka Estawoli.

Jeremiya 26:20

A ti ti ho mmwani m'thu wu a nga profeta ngu ditina da Mkoma, i Uriya, mwana Xemaya, wa Kiriyate-Jeyarimi, awu a nga profeta e wukela didhoropa diya ni ditiko diya, ku nga otshe mapswi a Jeremiya.

1 Makronika 12:4

Isimaya, mugibheyoni wa mtamo ni ndena hagari ka vale va magumi mararu, mthangeli wa yimbi ka va magumi mararu; Jeremiya ni Jahaziyeli, ni Jowana, ni Jozabhadhi, Mugedherati;