Joxuwa 9:15 - Bhiblia Yo Sawuleka

¹⁵ Se Joxuwa a to engisana navo e maha txitumelelano kumweko navo, txa ku a na va hulukisa; se vathangeli va msengeletano va to va mahela txixambanyo.

Joxuwa 9:15 Referans Kwoze

2 Samuwele 21:2

Sekoko mfumeli a to dhana Vagibheyoni e ta khene kwawe: (Vagibheyoni i si nga va vanana va ka Israyeli, kambe i ti miboti ya Vaamori; aniko vanana va ka Israyeli va ti va xambanyete, nguko Sawule a lavile ku va daya ngu kupandisekela, vanana va ka Israyeli, ni va ka Judha).

Joxuwa 11:19

Di walo didhoropa di nga maha txitumelelano txa kudikha ni vanana va ka Israyeli, hahanze ka Vahevhi, avale va nga ti akile Gibheyoni; otshe madhoropa va ma tekile ngu mtamo wa yimbi.

Eksodha 23:32

U nga mahe txitumelelano navo, ni sizimu sawe.

Joxuwa 9:16

Se ku to maheka taku, ku di gumile masiku mararu, na va di mahile txitumelelano navo, va pfite taku, i ti ti vaakelani vawe, ni ti to va ti ti hanya hagari ka va ka Israyeli.

Joxuwa 10:1

Se ku to maheka taku ngako, Adhonizedheki, mfumeli wa Jerusalema, a di engisile tito, Joxuwa a tekile didhoropa da Ayi, kambe a di khundumusete dotshe, ni ti to a mahile ka didhoropa da Ayi ni ka mfumeli wa kona, ati a nga maha ka didhoropa da Jeriko ni ka mfumeli wa kona, ni ku vaaki va Gibheyoni va mahile txitumelelano kumweko ni va ka Israyeli, kambe va zumbile hagari kwawe,

Joxuwa 10:4

“Ngonani kwangu mi ta ni vhuna; hi sengela kulovisa Gibheyoni, nguko ene a mahile txitumelelano ni Joxuwa ni vanana va ka Israyeli.”