Joxuwa 9:10 - Bhiblia Yo Sawuleka

¹⁰ ni totshe ti a nga maha ka vafumeli vambidi va Vaamori, va nga ti mtxhatuko ka Jordhani, ka Seyoni, mfumeli wa Hesibhoni, ni ka Oge, mfumeli wa Bhasani, a nga ti akile Axitaroti.

Joxuwa 9:10 Referans Kwoze

Joxuwa 12:4

Va to teka ni ditiko da mfumeli wa Bhasani, mmweyo wa msalela, wa va ka Refayime, a nga ti akile Axitaroti ni Edreyi,

Dhewuteronome 2:30

Aniko Seyoni, mfumeli wa Hesibhoni, kha hi tumelela ti to hi pinda ngu ditikoni kwakwe, nguko Mkoma, Txizimu txako, a hangalasile moya wakwe ni mbilu yakwe, kasi ku e mningela manzani kwako, nga ti ti nga maheka kala ni nyamsi.

Dhewuteronome 1:4

atiya ti mahekile msana ka kuva a di xute Sihoni, mfumeli wa Vaamori, avale va nga ti akile Hesibhoni, ni Oge, mfumeli wa Bhasani, a nga ti akile Axitaroti, ni Edreyi.

1 Makronika 6:71

Vanana va Gerisoni, ka mwaya wa hafu ya lihunzu la ka Manasi, va ningilwe Golami ni tibala ta kona, kona Bhasani, ni Axitaroti ni tibala ta kona;

Genesisi 14:5

Ka dilembe da digumi ni mune, mfumeli Kedhorolawomeri ni vafumeli va a nga ti pfana navo, va to ya khozisa Varefayime, ditikoni ka Astaroti-Karinayimi, ni Vazuzimi, ditikoni ka Kame, Vaemimi, libalani ka Kariyatayimi,

Mitengo 20:14

Mbimo si va ngadi Kadhesi, Mosi a to ruma mitumi ka mfumeli wa Edhomi, a txi khene: Mwananu Israyeli a khene: Awe wa ziva sotshe sikarato si hi nga humelwa ngu sona.

Joxuwa 2:9

Se a txi ya khene ka vavamna vale: “Na tiziva ti to Mkoma a mi ningile ditiko diya, ni ti to kuthisa kwanu ku txitimwi kwathu, niku votshe vaaki va ditiko va gumile mtamo masoni kwanu.

Joxuwa 9:9

Se va ka Gibheyoni va to mxamula, va txi kha vona: Sithumi sako sita ngu ka ditiko da kule ngutu, ngu mhaka ya ditina da Mkoma, Txizimu txako, nguko hi pfite nduma yakwe, ni totshe ti a nga maha kona Egipta;

Joxuwa 9:11

Ngu kumaha keto, madhota athu ni votshe vaaki va ditikoni kwathu, va hi gete va txi kha vona: “Tekani timbuva ta nzila manzani kwanu, se tsulani mi txi va hingeta, mi txi va gela tiya: Athu hi sithumi sanu, mahani koko konkuwa txitumelelano ni nathu!”

Joxuwa 13:31

Hafu ya Gileyadhi, ni Asterote, ni Edreyi, madhoropa a mfumo Oge wa Bhasani, ma ningetwe ka vanana va ka Makira, mwana Manasi, a ti ti wombwako ku ma ningetwe ka hafu ya vanana va ka Makira, madingano ni timwaya tawe.

Joxuwa 2:10

Nguko hi ti nga pfa taku Mkoma a phwisile mati a Linene lo Bhilivila masoni kwanu, mbimo yile mi nga huma ngu Egipta, ni ti mi nga maha ka vafumeli vambidi va Vaamori, ka Seyoni ni ka Oge, avale va nga ti ti mtxhatuko ka Jordhani, evo mi nga va lovisa.