Joxuwa 9:1 - Bhiblia Yo Sawuleka

¹ Se ku to maheka taku, mbimo yile va nga tipfa votshe vafumeli va va nga ti ti mtxhatuko ka Jordhani, mimangoni ni tibalani, ni kotshe mabambe ka Linene la Hombe, ni masoni ka Libhanoni, Vaheti ni Vaamori, ni Vakanana, ni Vaferezi, ni Vahevhi, ni Vajebhusi,

Joxuwa 9:1 Referans Kwoze

Mitengo 34:6

Ngu didhawa da mswa-ditambo, mi na maha muhingano ngu Linene la Hombe; linene ngu wona muhingano wanu wa mswa-ditambo.

Eksodha 3:17

Ngu mhaka yeto, ani ni khani: Ni na mi thusa mu kuxuphekani ka Egipta mi txi ya ditikoni da Vakanana, Vaheti, da Vaamori, da Vaferezi, da Vahevi ni da Vajebhusi ka ditiko di di khulungako masi ni wulombe.

Joxuwa 3:10

Joxuwa a to engeta a txi khene: “Ka toneto, mi na ziva tito, Txizimu txi txi hanyako txi hagari kwanu, ni ti to txi na tutumisa Vakanana masoni kwanu, ni Vaheti, Vahevhi, Vaferezi, Vagirigaxi, Vaamori, ni Vajebhusi.

Eksodha 23:23

Ngelozi yangu yi na kuthumela masoni kwako, kambe yi na kuyisa ditikoni ka Vaamori, ka Vaheti, ka Vaferezi, ka Vakanana, ka Vahevhi ni ka Vajebhusi, ani ni na va lovisa.

Joxuwa 24:11

“Se mi di txhatukile mnambo wa Jordhani, mi hoka Jeriko, aniko vaaki va Jeriko, va lwite ni nanu, Vaamori, Vaferezi, Vakanana, Vaheti, Vagergezi, Vahevhi, ni Vajebhusi, kambe ani ni va ningete manzani kwanu.

Joxuwa 23:4

Wonani, ani ni mi abanisete, madingano ni dikato da lihunzu ni lihunzu, otshe matiko awa ma nga sala ni otshe matiko awa ni nga ma khozisa, kukhukhela Jordhani kala ka Linene la Hombe, mswa-ditambo.

Joxuwa 22:7

Mosi a ti ningete ka yimweyo hafu ya lihunzu la ka Manasi ditiko aniya Bhasani; kasi ka hafu ya wumbidi, Joxuwa a ningete yimwani thomba, hagari ka vanawe, mtxhatuko ka Jordhani, didhawa da mswa-ditambo. Mbimo yile a nga va gela ti to ve tshumelela matendani kwawe, Joxuwa a to va katekisa,

Joxuwa 22:4

Se konkuwa Mkoma, Txizimu txanu, a ningile kuhumula ka vananu, akule a nga kuthembisa kwawe. Ngu toneto, tshumelelani matendani kwanu, ka ditiko da thomba yanu adi Mosi, txithumi txa Mkoma, a nga mi ninga, akheya mtxhatuko ka Jordhani.

Joxuwa 15:12

Muhingano wa mswa-ditambo, ngu Linene la hombe. Ayiya ngu yona mihingano ya vanana va ka Judha, madingano ni timwaya tawe.

Joxuwa 13:5

kumweko ni ditiko da Vagedhali, ni dotshe ditiko da Libhanoni, kala wutxani, kukhukhela Bhahali-Gadhi, hafuhi ka mmango wa Hermoni kala ha ditimbani ka Hamati.

Joxuwa 11:17

kukhukhela mmangoni ka Halake, wu pindako ngu Seyiri, kala Bhahali-Gadhe, mkovani ka Libhanoni, makhatoni ka mmango wa Hermoni; kambe a to ñola votshe vafumeli va kona, a txi va daya.

Joxuwa 10:23

Se va to mtisela, nga toneto, ngu diphalani, vafumeli vale va mtxhanu: Mfumeli wa Jerusalema, ni mfumeli wa Hebroni, ni mfumeli wa Jarmuti, ni mfumeli wa Lakisi ni mfumeli wa Egloni.

Joxuwa 5:1

Se ku to maheka taku, va di ti engisile votshe vafumeli va Vaamori, avale va nga ti akile mtxhatuko ka Jordhani, ngu mswa-ditambo, ni votshe vafumeli va Vakanana, avale va nga ti hafuhi ni linene lile Mkoma a nga ti omisile mati a Jordhani, masoni ka vanana va ka Israyeli, kala kuza hi pinda, timbilu tawe ti to txutxeka, ve wika misana ngu mhaka ya vanana va ka Israyeli.

Joxuwa 3:17

Aniko vaphaxeli vale va nga txi rwala dibhokiso da txitumelelano txa Mkoma, va to ema va txi hwe amu ka kuoma, hagari ka Jordhani; se votshe va ka Israyeli va to tshawunyeta na ku di omile, kala kuza votshe vathu va txi guma kutxhatuka Jordhani.

Joxuwa 1:15

kala kuza Mkoma a txi ninga kuhumula ka vananu, kufana ni nanu, se ni vona va na mane ditiko di Mkoma, Txizimu txanu, a va ningako; sekoko mi na tshumelela ka ditiko di di mi lumbako, a nga mi ninga Mosi, txithumi txa Mkoma, akheno mtxhatuko ka Jordhani, ngu didhawa da wutxani.

Joxuwa 1:4

Kukhukhela txiwulani ni Libhanoni, kala ka mnambo wa hombe, i ku mnambo wa Ewufrate, dotshe ditiko da Vaheti, kala ka Linene la hombe, mswa-ditambo, dotshe di na mi lumba.

Dhewuteronome 7:1

“Ngako Mkoma, Txizimu txako, a di ku wuletile ka ditiko di uyako ka dona, kasi ku u txi ya di fuma, a di tutumisile matiko amangi masoni kwake, Vaheti, Vagirigaxi, Vaamori, Vakanana, Vaferezi, Vahevhi ni Vajebhusi mtxhanu wa matiko ni mambidi a vathu vo tola ni mtamo wa hombe kupinda awe.

Dhewuteronome 4:49

ni lotshe libala li li ku wutxani, mtxhatuko ka Jordhani, kala ka Linene la Arabha, ngu didhawa da wutxani, kala ka Linene la mkovani, hahatshi ka Asidhote-Pisiga.”

Dhewuteronome 3:25

Ni tumelele ni txi txhatuka ni txi ya wona ditiko edo da dinene, adi di ku mtxhatuko ka Jordhani, mmango wule wa wunene ni Libhanoni.”

Eksodha 34:11

Xayisa ati nyamsi ni ku leletako, ni na tutumisa masoni kwako Vaamori, Vaheti, Vaferezi, Vahevhi ni Vajebhuzi.

Eksodha 23:31

Ni na komba muhingano wako, kukhukhela ka Linene lo Bhilivila kala ka Linene la Vafilista, ni kukhukhela txiwulani kala mnamboni. Ni na ningela manzani kwako vaaki va ditiko donedo, ati to u na va tutumisa hafuhi kwako.

Mitengo 13:29

Vaamaleki va akile ngu didhawa da wulambwe, Vaheti, ni Vajebhusi, ni Vaamori, va akete mmangoni. Vakanana va akile hafuhi ni linene, ni txinambwanani ka Jordhani.”

Joxuwa 6:27

Mkoma a ti ti kumweko ni Joxuwa; se nduma yakwe yi ti ti hangalaka ka dotshe ditiko.

Joxuwa 9:7

Se va ka Israyeli va to xamula ka Vahevhi, va txi kha vona: “Kutilava mi akile hagari kwathu; hi nga mahisa kutxani koko txitumelelano ni nanu kani?”

Dhewuteronome 1:7

Tshumelani mi txi tsula mmangoni ka Vaamori, ni ka votshe avale va nga aka hafuhi kwawe, ni libalani ni mmangoni ni mkovani, ni wulambwe, ni lineneni, ni ditikoni ka Vakanana, ni Libhanoni, kala mnamboni wa hombe, i ku mnambo wa Ewufrate.

2 Samuwele 24:7

Se va to ya mkhokholani ka Tiro, ni ka otshe madhoropa a Vahevhi ni a Vakanana, ve huma ngu didhawa da wulambwe ka Judha, veya Bherisebha.