Joxuwa 8:6 - Bhiblia Yo Sawuleka

⁶ Va lekeni koko, va txi hi londeta, kala kuza hi txi va humisa didhoropani; nguko va na kha vona: “Va thava masoni kwathu, nga kukhatani.” Ngu kumaha keto, hi na thava masoni kwawe.

Joxuwa 8:6 Referans Kwoze

Ekleziyaste 9:12

Ni ti to m'thu kha yi zivi mbimo yakwe; kufana ni sihaka si dawako ngu likoka, ni kufana ni sinyana si bzwetwako ngu mlawu, ngu toneto va bzwetiswako tona vanana va vathu, ka mbimo yo biha, va txi welwa ngu dikhombo ngu txidhukisa.

Ekleziyaste 8:11

Nguko kulamulwa ka wo biha kha ku kuluveti kuta, ngu mhaka yeto, timbilu ta vanana va vathu ti navela kumaha wubihi.

Valamuli 20:32

Sekoko vanana va ka Bhenjamini va to kha vona: “Hi va xute kambe ku nga kukhatani.” Aniko vanana va ka Israyeli va to kha vona: “A hi tutumeni, kasi ku va ndindela tinzilani, kule ni didhoropa.”

Eksodha 15:9

Mlala a ti ti khene: “Ni na va londeta, ni na va mana, ni na va honyolela simaha sawe; ni txi va tekela sotshe si ni si lavako; wu na khura ngu sona moya wangu, ni na swomola ditxhari dangu, ni va fuvisa ngu dianza dangu!”

Eksodha 14:3

Sekoko Faro a na khene ngu vanana va ka Israyeli: Va timete nzila ha mafuni, txiwula txi va ranganetile.

Joxuwa 8:5

Aniko ani ni vathu votshe vava ni ku navo, hi na tshuketela didhoropani; se ku na maheka taku, ngako va txi huma ku ta hi lwisa, nga kukhatani, hi na tutuma hi txi thava masoni kwawe.

Joxuwa 8:7

Sekoko anu mi na huma ngu kubaramani, mi txi teka didhoropa; nguko Mkoma, Txizimu txanu, a na di ningela manzani kwanu.