Joxuwa 8:4 - Bhiblia Yo Sawuleka

⁴ Se a to va ninga txileleto, a txi khene: “Wonani! Mi na ya baramela didhoropa ngu msana ka dona; mi nga tsuleni kule ngutu ni didhoropa; kambe motshenu mi na zumba mi di longile.”

Joxuwa 8:4 Referans Kwoze

Valamuli 20:29

Sekoko Israyeli a to randela Gibheya.

Mithumo 23:21

Aniko u nga tumele, nguko vavamna va va pindako mune wa magumi, va mu baramete, va xambanyile ngu kutsanisa, va txi kha vona kha va na kudya hambi kusela, na va sinzi ku m'daya; konkuwa va ti longisete, va verela kutumela kwako dwe.”

Ekleziyaste 9:16

Sekoko ani ni to khani: I txhuko wutxhari kupinda mtamo, hambi ku wutxhari wa txisiwana wu nga eyiswa, ni mapswi a txona kha ma pfiwa ngu m'thu.

Ekleziyaste 7:19

Wutxhari wa tsanisa txhari, kupinda digumi da vathangeli va manekako didhoropani kumweko.

1 Samuwele 15:5

Ngako Sawule koko, a di hokile didhoropani ka Amaleki, a to veka vabarameli mkovani.

1 Samuwele 15:2

Mkoma wa Mabutho a Tiyimbi a womba tiya: Ani ni alakanyile ti Vaamaleki va nga mahela va ka Israyeli; taku vatsivela nzila mbimo yi va nga ti huma ngu Egipta.

Valamuli 20:36

Se vanana va ka Bhenjamini va ti woni ti to va xutwe, nguko vavamna va ka Israyeli va ningete wukhalo ngu kututuma va txi thava va ka Bhenjamini, nguko va ti ti themba vavamna va va nga ti va vekile ve baramela Gibheya.

Valamuli 20:33

Sekoko votshe vavamna va ka Israyeli, va to khukha ka makhalo awe, va txi yalwa kona Bhahali-Tamari; se va ka Israyeli, ava va nga ti baramela, va to huma ngu maphali ka Gibheya.

Valamuli 9:25

Vathu va Sikemi va to veka vabarameli txitimwi ka mimango, avale va nga ti ti honyolela simaha sa votshe vale va nga txi pinda ngu nzila ya hafuhi kwawe. Se vathu va to maha ti to Abhimeleki e tiziva.

Joxuwa 8:16

Ngu kumaha keto, votshe vathu vale va nga ti ti didhoropani, va to dhanwa kasi kulondeta va ka Israyeli; se va to londeta Joxuwa, va txi ya maneka kule ni didhoropa.

Joxuwa 8:3

Sekoko Joxuwa a to khukha ni otshe masotxhwa, va txi yalwa ni didhoropa da Ayi; se Joxuwa a to sawula 30.000 wa vavamna va tindena ni va mtamo, a txi va ruma, ni wusiku.

2 Vafumeli 7:12

Se mfumeli a to wuka ni wusiku a txi khene ka sithumi sakwe: Konkuwa ni na mi maha mi ziva ati Vasiriya va nga hi maha tona; vona va tiziva to athu kha hi nga ni sakudya; se va humile ngu dizumboni, veya sisala, na va txi kha vona: Va txo huma ngu didhoropani, hi na va ñola va txi hanya, hi wulela didhoropani.

2 Makronika 13:13

Jerobhowamu a to veka vathu vo baramela ngu madhawani, kasi kuveta ngu msana kwawe.

Valamuli 9:32

Khukha koko, ni wusiku, awe ni vathu vale u no va u di navo, se u txi veka vawoneleli hahanze.