Joxuwa 8:29 - Bhiblia Yo Sawuleka

²⁹ Se a to tshongisa mfumeli wa Ayi aha ka phande, kala ni minova; se di ti swite ditambo, Joxuwa a to leleta taku, ku txi thaviswa txirumbi ha phandeni; va txi txi rinza txidingeni ka didhoropa, se va to sengeleta mmumbu wa hombe wa marigwi txitimwi ka txirumbi, kala ka ditshiku da nyamsi.

Joxuwa 8:29 Referans Kwoze

2 Samuwele 18:17

Se va to teka Abhisalome, ve mtshotsha txitingani, amu ka diphala da hombe, ve mkuletela ngu mmumbu wa hombe wa marigwi; kambe votshe va ka Israyeli va to tutuma, mmwani ni mmwani e ti tsulela ditendani kwakwe.

Joxuwa 7:26

Se va to maha mmumbu wa hombe wa marigwi txitimwi kwakwe, kala ka ditshiku da nyamsi; ngu kumaha keto, Mkoma a to boxa kuhenyani kwakwe; ngu mhaka yeto wukhalo wule wu to dhanwa ku mkova wa Akori, kala ka ditshiku da nyamsi.

Mithumo 12:23

Kambe kunukunuko, Ngelozi ya Mkoma yi to peka Herodha, nguko kha dhumisa Txizimu. Se a to dyiwa ngu timbungu, efa.

Masalmo 110:5

Mkoma a maneka txineneni kwako; ngako ene a txi henya, a na ganyatela vafumeli.

Masalmo 107:40

Aniko Txizimu txi nyenya vaxanisi txi va pengapengisa txiwulani ko mbi na tinzila.

Esteri 7:10

Hamani koko va to mtxikita ka phande yile ene a nga ti yi longisete Mordhekayi. Sekoko kuhenya ka mfumeli ku to boxa.

Joxuwa 10:33

Sekoko Horamu, mfumeli wa Gezeri, a to ta kasi ku ta vhuneta Lakisi, aniko Joxuwa a to m'daya, kumweko ni vathu vakwe, asi siyi ni wammweyo.

Joxuwa 10:30

Se Mkoma a to di ningela ni dona ni mfumeli wa dona, manzani ka va ka Israyeli, ava va ngadi khozisa ngu ditxhari, ni votshe avale va nga ti ti hanya ka dona; kha va nga leka ni wammweyo wo sala. Va to maha ka mfumeli wa kona ta kufana ni ti va nga maha ka mfumeli wa Jeriko.

Johani 19:31

Vajudha, ngako i nga ti ditshiku da kulongisela, kasiku sirumbi si si zumbi ha txihambanoni dotshe ditshiku da Sabbata, kha ditshuri ditshiku da Sabbata i ti da hombe ngutu, va to tsula veya kombela ka Pilato ti to ve funyetela minenge ya sirumbi, ve gwita ve si thavisa hale.

Joxuwa 12:9

Vafumeli va va nga xulwa ngu vava: Mfumeli wa Jeriko, mfumeli wa Ayi, a ku hafuhi ni Bheteli,

Joxuwa 8:23

Aniko, va to ñola mfumeli wa Ayi a txi hanya, va txi mtisa ka Joxuwa.