Joxuwa 8:22 - Bhiblia Yo Sawuleka

²² Ni Vaisrayeli vale va didhoropani, va to huma va txi hingeta va ka Ayi, se va txi maneka hagari ka va ka Israyeli, vamwani ka didhawa di, vamwani ka dile, se va to va dayela, kuza ni wammweyo asi maneki wo huluka.

Joxuwa 8:22 Referans Kwoze

Dhewuteronome 7:2

Ngako Mkoma, Txizimu txako, a txi ma ningela kwako, awe u txi ma khozisa, u ma fuvisa ni ku ma lovisa, u nga mahe txitumelelano nawo, kambe u nga ma mahele wumbilu.

1 Vatesalonika 5:3

Mbimo yi vathu va no kha vona: “Ka ho kudikha ni kukhaliseka,” nguyo mbimo ku no humelela dikhombo ngu txidhukisa hagari kwawe, kota nga wamsikati, ngako a txi lumwa; kha va na mbi sikota kupona.

Jobe 20:5

litsako la vaonhi kha li sweli, ni kutsaka ka vakanganyisi nga mbimonyana kani?

Joxuwa 10:28

Se ka dona ditshiku edo da dimwedo, Joxuwa a to khozisa didhoropa da Makedha, a txi daya mfumeli wa dona, ngu ditxhari, a txi lovisa votshe va nga txi hanya ka dona; kha nga siya ni m'boti ka dona, a to maha ka mfumeli wa kona ta kufana ni ti a nga maha ka mfumeli wa Jeriko.

Joxuwa 6:21

Se va to lovisa ngu ditxhari sotshe si si nga ti ti ho didhoropani, kukhukhela ka wamwamna, wamsikati, mfana, txikosana, tihomu, sifuyo sa sidotho, ni timbongola.

Joxuwa 8:8

“Se ku na maheka taku, mi di tekile didhoropa, mi na hisa didhoropa ngu mndilo; mi txi maha madingano ni dipswi da Mkoma; wonani taku ni mi leletete.”

Joxuwa 8:21

Se mbimo yile Joxuwa ni votshe va ka Israyeli, va nga wona ti to vavamna vale va txibaramela va tekile didhoropa, ni ti to wutshi wa didhoropa wa kwela, va to tshembereka va txi lwa ni vavamna va ka Ayi.

Joxuwa 8:23

Aniko, va to ñola mfumeli wa Ayi a txi hanya, va txi mtisa ka Joxuwa.