Joxuwa 8:2 - Bhiblia Yo Sawuleka

² “U na maha ka didhoropa da Ayi ni ka mfumeli wa kona, nga ti u nga maha ka Jeriko ni ka mfumeli wa kona, sekoko mi na handa tithomba ni sifuyo sa kona; veka vo baramela, ngu msana ka didhoropa.”

Joxuwa 8:2 Referans Kwoze

Dhewuteronome 20:14

hahanze vavasikati ni vanana, ni sihari; ni sotshe sile si no maneka didhoropanimo, sotshe si u no handa, u na si teka si txi maha thomba yako; u na dya sile u no handa ka valala vako, avale Mkoma, Txizimu txako, a nga va ningela manzani kwako.

Mavingu 13:22

M'thu wa wunene, a siyela thomba vanana va vanana vakwe, aniko thomba ya muonhi yi ningelwa ka wo lulama.

2 Makronika 20:22

Se ka mbimo yile va nga khata kupeka mikulungwani ya kutsaka ka hombe ni kudhumisa, Mkoma a to rumela vathu veya wukela vanana va Amoni ni va Mowabhi ni vanana va mimangoni ka Seyiri, avale va nga ta kasi kutalwa ni va ka Judha.

Joxuwa 6:21

Se va to lovisa ngu ditxhari sotshe si si nga ti ti ho didhoropani, kukhukhela ka wamwamna, wamsikati, mfana, txikosana, tihomu, sifuyo sa sidotho, ni timbongola.

Jeremiya 51:12

Gwimbani m'jeke txitimwi ka diguma da Bhabhilona, tsanisani wuwoneleli, vekani vaemeli, ti longiseleni wotshe wurena; nguko Mkoma a xuvile kambe a mahile tile a nga nga ti womba xungetano ngu vaaki va Bhabhilona.

Jeremiya 17:11

Nga tshukwa yi yi fundamelako manda a yi nga mbi ma veka, ngu toneto ni wu a sengeletelako tithomba ngu nzila ya walo; kuve a na yi leka i di ngadi mixo, magwito akwe ngu kuxanga.”

Mavingu 28:20

M'thu wo thembeka a na kateka ngutu, kambe wule a navelako kukuluveta e humelela, kha na mbi huluka kutsayiswa.

Masalmo 39:6

Ene wa pinda kufana ni mtsudi! Kha ti vhuni txilo kusengeletela tithomba, na asi ti zivi ti to ti na sala ni mani.

2 Makronika 13:13

Jerobhowamu a to veka vathu vo baramela ngu madhawani, kasi kuveta ngu msana kwawe.

Joxuwa 10:28

Se ka dona ditshiku edo da dimwedo, Joxuwa a to khozisa didhoropa da Makedha, a txi daya mfumeli wa dona, ngu ditxhari, a txi lovisa votshe va nga txi hanya ka dona; kha nga siya ni m'boti ka dona, a to maha ka mfumeli wa kona ta kufana ni ti a nga maha ka mfumeli wa Jeriko.

Joxuwa 10:1

Se ku to maheka taku ngako, Adhonizedheki, mfumeli wa Jerusalema, a di engisile tito, Joxuwa a tekile didhoropa da Ayi, kambe a di khundumusete dotshe, ni ti to a mahile ka didhoropa da Ayi ni ka mfumeli wa kona, ati a nga maha ka didhoropa da Jeriko ni ka mfumeli wa kona, ni ku vaaki va Gibheyoni va mahile txitumelelano kumweko ni va ka Israyeli, kambe va zumbile hagari kwawe,

Joxuwa 8:24

Se ku to maheka taku, va ka Israyeli na va di hetile kudayela votshe vaaki va didhoropa da Ayi txitingani, txiwulaniyo va nga ti ti va londetile kona, na va ti dayetwe ngu ditxhari kala ku votshe va txi guma, votshe va ka Israyeli va to tshumela va txi ya didhoropani ka Ayi, va txi ya di lovisa ngu ditxhari.

Joxuwa 8:19

Sekoko vabarameli va to kuluvetela kukhukha ngu wukhaloni kwawe, va txi tutuma, Joxuwa na a ti guletile dianza dakwe, se va to ta teka didhoropa; kambe va to kuluvetela kuhisa didhoropa ngu mndilo.

Joxuwa 8:14

Se ku to maheka taku, mbimo yile a nga va wona mfumeli wa Ayi, va to kuluveta kuwuka ni mabimbi-kutxa, aniko vathu va didhoropa, va to hingeta va ka Israyeli, ku yalwa navo, ene ni votshe vathu vakwe, ka mbimo yi yi nga ti emisilwe, mikovani, nguko ene asi ti zivi ti to ku ni txibaramela msana ka didhoropa.

Joxuwa 8:12

Joxuwa a to teka kambe 5.000 wa vavamna, a txi va veka ve baramela va ti hagari ka Bheteli ni Ayi, ngu mswa-ditambo ka didhoropa.

Joxuwa 8:9

Ngu kumaha keto, Joxuwa a to va rumela, se vona va to tsula kuya baramela; va txi ya zumba hagari ka Bheteli ni Ayi, ngu mswa-ditambo ka Ayi; ti di ngeto, Joxuwa, mndani ka wusiku wule, a manekile hagari ka vathu.

Joxuwa 8:7

Sekoko anu mi na huma ngu kubaramani, mi txi teka didhoropa; nguko Mkoma, Txizimu txanu, a na di ningela manzani kwanu.

Dhewuteronome 3:2

Sekoko Mkoma a ni gete a txi khene: “U nga thave, nguko ani ni mningela manzani kwako, ene ni vathu vakwe votshe ni ditiko dakwe. U na maha kwakwe nga ti u nga maha ka Sehoni, mfumeli wa Vaamori, awule a nga ti akile Hesibhoni.”

Joxuwa 8:3

Sekoko Joxuwa a to khukha ni otshe masotxhwa, va txi yalwa ni didhoropa da Ayi; se Joxuwa a to sawula 30.000 wa vavamna va tindena ni va mtamo, a txi va ruma, ni wusiku.

Joxuwa 8:8

“Se ku na maheka taku, mi di tekile didhoropa, mi na hisa didhoropa ngu mndilo; mi txi maha madingano ni dipswi da Mkoma; wonani taku ni mi leletete.”

Dhewuteronome 2:35

Aniko hi to teka sifuyo, ni sotshe sile hi nga handa ka ona madhoropa ale hi nga ma khozisa.

Joxuwa 9:3

Aniko vaaki va Gibheyoni, ngako va di pfite ti Joxuwa a nga maha kona Jeriko ni Ayi,

Joxuwa 11:14

Se sotshe si va nga handa ka ona madhoropayo, kumweko ni sifuyo, vanana va ka Israyeli va si tekile va txi phakelana ngu sona; se va to dayela votshe vavamna ngu ditxhari, va txi za ve va fuvisa; kha va nga leka ni txa tximwetxo txo hanya txi txi sala.