Joxuwa 8:18 - Bhiblia Yo Sawuleka

¹⁸ Sekoko Mkoma a to khene ka Joxuwa: “Guleta ditxhari di u ku nado manzani kwako, u txi xungameta didhoropani ka Ayi, nguko ni na di ningela manzani kwako.” Se Joxuwa a to guleta ditxhari di di nga ti ti manzani kwakwe, di txi xungameta didhoropani.

Joxuwa 8:18 Referans Kwoze

Joxuwa 8:26

Nguko Joxuwa kha thavisa dianza dakwe, adi a nga ti guletile ngu dona ditxhari, kala kuza a txi lovisa votshe vaaki va Ayi.

Jobe 15:25

Nguko a nawulutile dianza dakwe e wukela Txizimu, e henyela wule wa Mtamo-wotshe.

Jobe 39:23

Tingove wuketxeketxe ti txi lava dona, mseve wa simbi wa phatima, kumweko ni txiholoma.

1 Samuwele 17:45

Kambe Dhavhidha a to khene ka Mufilista: Awe uta kwangu wu di ni ditxhari, ni mseve, ni txivhikelo; kambe ani ni ta kwako ngu ditina da Mkoma wa Mabutho a Tiyimbi, i ku Txizimu txa Mabutho a Tiyimbi a ka Israyeli, awule wu mruketelako.

1 Samuwele 17:41

Se Mufilista nene a to khukha e tshuketela Dhavhidha; kambe mrwali wa txivhikelo txakwe a ti thangete masoni kwakwe.

1 Samuwele 17:6

A ti ti ni sivhikelo sa msuku txitimwi ka mikondo yakwe, ni txivhikelo txa msuku makatani kwakwe.

Joxuwa 8:7

Sekoko anu mi na huma ngu kubaramani, mi txi teka didhoropa; nguko Mkoma, Txizimu txanu, a na di ningela manzani kwanu.

Eksodha 14:16

Awe, guleta ndonga yako, u txi nawuluta dianza dako, u txi di komba txitimwi ka linene, u txi li abanisa, ti to vanana va ka Israyeli va txi tsimbila mu ko oma, ngu hagari ka linene.

Eksodha 8:5

Mkoma a to khene kambe ka Mosi: “Gela Aroni u txi khawe: Guleta dianza dako kumweko ni ndonga yako txitimwi ka minambo, txitimwi ka milonga ni magova, u txi maha ti to ma txi tala makhele txitimwi ka ditiko dotshe da Egipta.”

Joxuwa 8:17

Se kha ka sala m'thu ni wammweyo didhoropani ka Ayi, hambi ni Bheteli, wa ku va a sa huma e londeta va ka Israyeli; se va to leka didhoropa di di tulekile, va txi londeta Israyeli.

Joxuwa 8:19

Sekoko vabarameli va to kuluvetela kukhukha ngu wukhaloni kwawe, va txi tutuma, Joxuwa na a ti guletile dianza dakwe, se va to ta teka didhoropa; kambe va to kuluvetela kuhisa didhoropa ngu mndilo.

Ezekhiyele 30:25

Ni na guleta mawoko a mfumeli wa Bhabhilona, aniko mawoko a Faro manawa; se va na tiziva taku ani ngani Mkoma, mbimo yi ni no veka ditxhari dangu manzani ka mfumeli wa Bhabhilona, se ene a txi di yisa txitimwi ka ditiko da Egipta.

Eksodha 8:1

Msana keto, Mkoma a to khene ka Mosi: Tsula ka Faro u txi ya m'gela tiya: “Mkoma a khene: Leka vathu vangu va txi tsula, kasi va txi ya ni khozela.”