Joxuwa 8:17 - Bhiblia Yo Sawuleka

¹⁷ Se kha ka sala m'thu ni wammweyo didhoropani ka Ayi, hambi ni Bheteli, wa ku va a sa huma e londeta va ka Israyeli; se va to leka didhoropa di di tulekile, va txi londeta Israyeli.

Joxuwa 8:17 Referans Kwoze

Jobe 5:13

Txa bzweta titxhari ka wutxhari wa tona tipune; se e wiswa silayelo sa vo biha.

Joxuwa 11:20

Nguko Mkoma ngene a nga bangisa timbilu ta vathu vale, ti to ve huma va txi yalwa ni Israyeli, kasi ku a txi va lovisa do gwita, asi va tsetsi, aniko e va lovisa votshe, nga tile Mkoma a nga leleta ka Mosi.

Joxuwa 8:3

Sekoko Joxuwa a to khukha ni otshe masotxhwa, va txi yalwa ni didhoropa da Ayi; se Joxuwa a to sawula 30.000 wa vavamna va tindena ni va mtamo, a txi va ruma, ni wusiku.

Dhewuteronome 2:30

Aniko Seyoni, mfumeli wa Hesibhoni, kha hi tumelela ti to hi pinda ngu ditikoni kwakwe, nguko Mkoma, Txizimu txako, a hangalasile moya wakwe ni mbilu yakwe, kasi ku e mningela manzani kwako, nga ti ti nga maheka kala ni nyamsi.

Joxuwa 8:16

Ngu kumaha keto, votshe vathu vale va nga ti ti didhoropani, va to dhanwa kasi kulondeta va ka Israyeli; se va to londeta Joxuwa, va txi ya maneka kule ni didhoropa.

Joxuwa 8:18

Sekoko Mkoma a to khene ka Joxuwa: “Guleta ditxhari di u ku nado manzani kwako, u txi xungameta didhoropani ka Ayi, nguko ni na di ningela manzani kwako.” Se Joxuwa a to guleta ditxhari di di nga ti ti manzani kwakwe, di txi xungameta didhoropani.

Valamuli 20:31

Sekoko vanana va ka Bhenjamini va to huma va txi hingeta vathu, va txi vayilela didhoropa; se va to khata kudyela vathu vokari, va txi tholetela mtengo wo dingana magumi mararu a vavamna va ka Israyeli, kufana ni simwani sikhati, amu tinzilani (yimwani yi yako Bheteli, yimwani yi ya Gibheya ngu mu thembweni.)