Joxuwa 7:9 - Bhiblia Yo Sawuleka

⁹ Va txo tiengisa eto Vakanana, ni votshe vaaki va ditiko, va na hi ranganyeta, va txi fuvisa ditina dathu ha mafuni; sekoko u na maha txani ngu ditina dako da hombe kani?”

Joxuwa 7:9 Referans Kwoze

Eksodha 32:12

Nguko Vaegipta va na womba va txi kha vona: Ene a va humisile ngu moya wa kubiha, kasiku a txi ya va daya kona mimangoni a txi va fuvisa ha mafuni! Tshumeta txiviti txa kuhenya kwako, u txi tshumeta txikhawuliso txi u nga ti lava ku txi maha ka vathu vako.

Masalmo 83:4

Vona va kha vona: “He va fuviseni hagari ka vathu, kasiku di si swi di txi khumbulwa ditina da Israyeli.”

Johani 12:28

Tata dhumisa ditina dako.” Ti di mahile eto, kutota dipswi ngu nzumani, adi di nga womba ku khene: “Ani ni di dhumisile, kambe ni na engeta ni di dhumisa!”

Joyeli 2:17

Va na dile vaphaxeli, va thumelako Mkoma, hagari ka m'hubhe ni txiluvelo, va ne kha vona: Tsetsa vathu vako, awe Mkoma, kambe u nga ningele thomba yako tinganani, kasi ku matiko ma txi yi xakela: Nguko kutxani va no kha vona ka vathu: Txi hayi Txizimu txawe, kani?

Ezekhiyele 20:9

Ati ni nga maha koko, i mhaka ya kuranda ditina dangu, kasi di si ruketelwi masoni ka vamatiko, vale va ku hagari ka vona, avo ni nga ti wonekisa ka vona, kasi ku va humisa Egipta.

Dhewuteronome 9:28

Kasi ku vathu va ditiko dile u nga hi humisa ka dona, va si wombi va txi kha vona: “Mkoma a tandekile ku va hokisa ka ditiko dile a nga va thembisa”; ene, “ngu mhaka ya livengo navo, a va humisile kasi kuya va daya txiwulani.”

Mitengo 14:13

Se Mosi a to khene ka Mkoma: Vaegipta va ti zivile ti to ngu mtamo wako, u mahile ti to vathu vava ve huma hagari kwawe, u va tisa hawa.

Joxuwa 7:8

O! Mkoma! Ni na womba txani, aku va ka Israyeli va nga tshembereka va txi tshuralela valala vawe kani?

Joxuwa 7:10

“Sekoko Mkoma a to khene ka Joxuwa: Khukha! Ngu kutxani u txi namisa khohe yako kani?”

1 Samuwele 12:22

Nguko Mkoma kha na mbi leka vathu vakwe, ngu mhaka ya ditina dakwe da hombe, nguko Mkoma ti mtsakisile ti to mi maha vathu vakwe.

Masalmo 48:10

Nduma yako, awe Txizimu, yi hangalakile ni otshe mafu votshe va kukhozela; ngu mtamo wako, u maha kululama ni kudikha.

Masalmo 79:9

Hi lwele, Txizimu, Muhanyisi wathu; hi ponise u txi hi divalela, ngu mhaka ya wudhumo wa ditina dako do Sawuleka!

Masalmo 83:5

Votshe va mahile txikungo ngu mbilu yimweyo txo kuwukela; ve pfana kasi kulwa ni nawe.

Masalmo 115:1

U nga dhumise athu Mkoma, u nga dhumise athu, aniko dhumisa ditina dako da wudhumo, ngu mhaka ya lirando lako ni kuthembeka kwako!

Mika 7:10

Se mlala wangu wa txisikati a na ti wona eto, se a na fenengetwa ngu pfilu-pfilu, awu a ku khene: Ahayi Mkoma, Txizimu txako kani? Maso angu ma na mu wona a txi kadetelwa, kufana ni madhaka a tiruwani.