Joxuwa 7:7 - Bhiblia Yo Sawuleka

⁷ Se Joxuwa a to khene: “Yowe! Mkoma Txizimu! Ngu kutxani u nga txhatukisa vathu vava mnambo wa Jordhani, kasi ku ta hi ningela manzani ka Vaamori, va txi ta hi lovisa kani? I di txhuko hi ti ko zumba mtxhatuko ka Jordhani!

Joxuwa 7:7 Referans Kwoze

Vahebheru 12:5

Kasi mi divate mapswi awa mi khongotelwako ngu ona, nga kule ka vanana, aawa ma ku: “Mwanangu, u nga kanyise kulaywa ngu Mkoma: U nga khuveke, ngako a txi kukawuka.

2 Vafumeli 3:10

Sekoko mfumeli wa ka Israyeli a to khene: A! Kasiko Mkoma a dhani vafumeli vava vavararu, ku ta va ningela masoni ka Vamowabhi!

Matewu 17:20

Jesu a va xamute a txi khene: “Ngu mhaka ya kutumela kwanu ka kudotho, nguko kha ditshuri ni khani kwanu: Ngako mi di ni kukholwa ko fana ni mbewu ya txinapi, mi na womba ka mmango wuwa, mi txi khanu: ‘Khukha hawa u txi ya haleya’, wona wu na khukha. Txi walo ni tximwetxo mi no txi tanda.

Matewu 17:17

Jesu a to xamula a txi khene: “Liveleko la vathu va ku ambi kholwa ni vo soholoka, ni na va ni nanu kala txikhati muni kani? Ni na timisela ngu nganu kala ditshiku muni kani? Mu tiseni hawa kwangu.”

Masalmo 116:11

Kukaratekani kwangu, ni zile ni txi khani: “Ku walo m'thu wo thembeka!”

Mitengo 14:3

Ni kambe ngu kutxani ene Mkoma a txi hi yisa ka ditikodo, hi na ya guma ngu kudawelwa ngu matxhari hi ya ningela vasikati vathu ni vanana vathu, ve mahwa tikhumbi kani? I si nga tshuko hi tshumela hi txi ya Egipta kani?”

Eksodha 17:3

Konaho vathu va manekile va txi pfa ditora, ve khata kungungurukela va txi wukela Mosi, va txi kha vona: “Ngu kutxani u nga hi humisa ditikoni ka Egipta kani? U mahile eto kasi ku ta hi daya ngu ditora athu ni vanana vathu, ni sifuyo sathu kani?”

Eksodha 16:3

Vanana va ka Israyeli va va gete va txi kha vona: “I ti txhuko idiku Mkoma a ti hi date ngu dianza dakwe ditikoni ka Egipta, nguko hi ti khalahatshile hafuhi ka tikhadi ta nyama, mbimo yi hi nga ti ti dya sakudya hi khura! Aniko anu mi hi tisile txiwulani muwa, kasiku dibutho diya mi txi di daya ngu nzala.”

Mitengo 14:16

“Mkoma Txizimu, a tandekile ku wuleta vathu vakwe ka ditiko diya a nga ti xambanyile ti to a na va ninga; se a va lovisile amu txiwulani.”

Joxuwa 7:6

Sekoko Joxuwa a to vharula syambalo sakwe, a txi namisa khohe yakwe ha mafuni, masoni ka dibhokiso da Mkoma, kala ni minova, ene ni madhota a ka Israyeli; kambe va to ti vhungela dikhuma ha misungoni kwawe.

Joxuwa 7:8

O! Mkoma! Ni na womba txani, aku va ka Israyeli va nga tshembereka va txi tshuralela valala vawe kani?

Valamuli 20:23

Se vanana va ka Israyeli va to kwelela, va txi ya dila masoni ka Mkoma kala ni minova, va txi wotisa ka Mkoma, va txi kha vona: “Ina hi nga tshumela kambe hi yalwa ni vanana va ka Bhenjamini, vona va i ku vanathu kani?” Se Mkoma a to kha ene: “Tsulani mi txi yalwa navo!”

1 Samuwele 4:3

Se mbimo yile vathu va nga tshumela veya wugoveloni, madhota a ka Israyeli, ma to kha ona: A hi lekete txani Mkoma hi xulwa nyamsi masoni ka Vafilista kani? Hi tsimbeleni Silo hi ya teka dibhokiso da txitumelelano txa Mkoma, hi ta di veka hagari kwathu, kasiku di txi hi hulukisa manzani ka valala vathu.