Joxuwa 7:4 - Bhiblia Yo Sawuleka

⁴ Ngu toneto, ku to tsula 3.000 wa vavamna, evo va nga tutuma masoni ka vavamna va ditiko da Ayi.

Joxuwa 7:4 Referans Kwoze

Dhewuteronome 28:25

Mkoma a na maha ti to u txi xulwa ngu valala vako, u na huma u txi yalwa ni valala vako ngu nzila yimweyo, kambe u na ya tutuma u txi thava ngu mtxhanu wa tinzila ni timbidi, masoni kwawe! U na va txixamaliso ka mifumo yotshe ya ha mafuni

Levhi 26:17

Ni na mi tshuralela, kambe mi na xulwa ngu valala vanu; avale va mi vengako va na mi khozisa, se anu mi na tutuma mi txi thava, na mi si tutumiswi.

Isaya 59:2

Aniko wubihi wanu wa veka muhingano hagari kwanu ni Txizimu txanu, ni sionho sanu si sisa khohe ya Txizimu kwanu, kasi ku txi si mi engisi.

Isaya 30:17

1.000 wa vavamna, va na tutuma, ngu kuviketwa ngu wammweyo, se ku txo viketa va mtxhanu, motshenu mi na tutuma, kala kuza mi lekwa mi di songile nga phande tshokani ka mimango, ni kufana ni m'jeke tximangwanani.

Dhewuteronome 32:30

Ti nga kotekisa kutxani ti to m'thu wammweyo e tutumisa 1.000 wa vathu, ni vathu vambidi va nga sikotisa kutxani kuhinga 10.000 wa vathu, i si nga Mkoma, Dirigwi dawe, a nga va xavisa, kambe i si nga Mkoma a nga va ningela kani?

Joxuwa 7:3

Se va va wuya ka Joxuwa, va to ta m'gela tiya: “Va nga tsule votshe vathu, ku na tsule 2.000 mwendo 3.000 wa vavamna, va txi ya xasela ditiko da Ayi; u nga karata votshe vathu, nguko valala mbadotho.”

Masalmo 89:43

U pinyetile kuhinda ka ditxhari dakwe kambe khwa mtsanisa kulwani.