Joxuwa 7:3 - Bhiblia Yo Sawuleka

³ Se va va wuya ka Joxuwa, va to ta m'gela tiya: “Va nga tsule votshe vathu, ku na tsule 2.000 mwendo 3.000 wa vavamna, va txi ya xasela ditiko da Ayi; u nga karata votshe vathu, nguko valala mbadotho.”

Joxuwa 7:3 Referans Kwoze

2 Pedro 1:10

Ngu toneto, va ka kwathu, khutalani mi txi ya masoni, kasi ku mi txi sikota kutsanisa kudhanwa kwanu ni kusawulwa kwanu. Nguko, mi txi mahisa eto, kha mi na mbi thuka mi txi khuvekiswa.

2 Pedro 1:5

Ngu mhaka ya totshe tiya, khutalani nga ti mi ti kotisako tona, mi txi tsanisa wunene ngu wuzivi;

Vahebheru 4:11

Ngu toneto, he khutaleleni kuya wulela kona kuhumulaniyo, kasiku ni wammweyo asi wi, ngu mhaka ya kukanyisa ko fana ni kwawe.

Luka 13:24

Ene a mu xamute a txi khene: “Zamani ngu mtamo kuwulela ngu txike txo songa, nguko ani na mi gela ti to vavangi va na zama kuwulela, kambe kha va na mbi sikota.

Mavingu 21:25

Maalakanyo a mkara ma m'daya, nguko manza akwe ma lamba kuthuma.

Mavingu 13:4

Zumbelo ya mkara ngu kunavela, aniko kha gwitisi kumana txilo, kambe moya wa vale va ti thumelako wa tsaka.

Joxuwa 7:2

Joxuwa koko a di Jeriko, a to rumela vavamna vokari va txi ya Ayi, ku ku hafuhi ni Bheti-Avheni, ngu didhawa da wutxani ka Bheteli, a txi va gela tiya: “Tsulani mi txi ya xola ditiko.” Vavamna vale koko, va to tsula kuya xola ditiko da Ayi.

Joxuwa 7:4

Ngu toneto, ku to tsula 3.000 wa vavamna, evo va nga tutuma masoni ka vavamna va ditiko da Ayi.