Joxuwa 7:26 - Bhiblia Yo Sawuleka

²⁶ Se va to maha mmumbu wa hombe wa marigwi txitimwi kwakwe, kala ka ditshiku da nyamsi; ngu kumaha keto, Mkoma a to boxa kuhenyani kwakwe; ngu mhaka yeto wukhalo wule wu to dhanwa ku mkova wa Akori, kala ka ditshiku da nyamsi.

Joxuwa 7:26 Referans Kwoze

Hoseya 2:15

“Ni na mninga mivhinya yakwe koneyo, ni mkova wa Akori, si maha txike txa kuthemba; se koneyo a na embelela kufana ni masiku a wuhorana wakwe, ni ku nga ditshiku dile a nga huma ngu ditikoni ka Egipta.”

Isaya 65:10

Se Saroni a na va txibala txa tinvuta, ni mkova wa Akori wu na maha dizumbo da sifuyo, sa vathu vangu va va ni lavako.

Dhewuteronome 13:17

Kambe ni txa tximwetxo ka sile i ku so yila, kha kulaveki txi maneka manzani kwako, kasi ku Mkoma a txi boxa dikhulo da txiviti txakwe, a txi kupfela wusiwana, a txi va ni wumbilu ngu ngawe, a txi kuandisa, nga ti a nga xambanya ka vatate vako,

Sidilo 3:53

Va ni susumetete diphalani ni txi ngadi ni hanya, kambe va rinzetete marigwi tximwi kwangu.

2 Samuwele 18:17

Se va to teka Abhisalome, ve mtshotsha txitingani, amu ka diphala da hombe, ve mkuletela ngu mmumbu wa hombe wa marigwi; kambe votshe va ka Israyeli va to tutuma, mmwani ni mmwani e ti tsulela ditendani kwakwe.

Joxuwa 8:29

Se a to tshongisa mfumeli wa Ayi aha ka phande, kala ni minova; se di ti swite ditambo, Joxuwa a to leleta taku, ku txi thaviswa txirumbi ha phandeni; va txi txi rinza txidingeni ka didhoropa, se va to sengeleta mmumbu wa hombe wa marigwi txitimwi ka txirumbi, kala ka ditshiku da nyamsi.

Joxuwa 7:24

Sekoko Joxuwa ni votshe va ka Israyeli, va to teka Akane, mwana Zera, kumweko ni silivhela ni dijasi, ni dibwinzi da nzalama, ni vanana vakwe va mazambi ni vamahorana, ni tihomu takwe, ni timbongola takwe, ni tinvuta takwe, ni ditenda dakwe, ni sotshe sile a nga ti ti naso, va txi tsula naso mkovani ka Akori.

Zakariya 6:8

Sekoko ngelozi yi to ni dhana, yi txi kha yona: Wona taku, ale ma nga ya ditikoni ka Wuphemba, ma humutile Moya wangu ka ditiko da Wuphemba.

Joyeli 2:18

Sekoko Mkoma a na pfela ditiko dakwe, kambe a na va ni wumbilu ka vathu vakwe.

Joyeli 2:13

Kambe vharulani timbilu tanu, i si nga syambalo sanu, se hundulukelani ka Mkoma, Txizimu txanu; nguko ene a ni wumbilu, ni kupfela, wa swela kuhenya, mbwa hombe ngu wumbilu, kambe wa tilaya ka wubihi.

Isaya 40:2

Wombawombani ngu wumbilu ka Jerusalema, kambe kwangulani mi m'zivisa ti to wukhumbi wakwe wu gumile, ti to sionho sakwe si divaletwe, ni ti to ka sotshe sionho sakwe a amukete hakhelo kumbidi ngu ka dianza da Mkoma.

2 Samuwele 21:14

Va to ya tshotsha marambu a Sawule ni a mwanakwe Jonatani, ditikoni ka Bhenjamini, kona Zela, ka dithitha ta Kisi, tate wakwe, se ve maha totshe tile mfumeli a nga va leleta; kambe msana keto, Txizimu txi to pfa kudila ka ditiko.

Joxuwa 10:27

Se ku to maheka taku, na ditambo di di swite, Joxuwa a to rumela ti to ve thaviswa ha mindongani, veya rinzwa diphalani mule va nga ti sisate kona. Ma to vekwa marigwi a hombe ha txikeni ka diphala, aawa ma ku konaho kala ka ditshiku da nyamsi.

Eksodha 32:12

Nguko Vaegipta va na womba va txi kha vona: Ene a va humisile ngu moya wa kubiha, kasiku a txi ya va daya kona mimangoni a txi va fuvisa ha mafuni! Tshumeta txiviti txa kuhenya kwako, u txi tshumeta txikhawuliso txi u nga ti lava ku txi maha ka vathu vako.

Mitengo 25:8

Mamoyo a to londeta wamwamna wule wa Muisrayeli ditendani, a txi ya va thola votshe vavambidi, wamwamna wule wa Muisrayeli ni wamsikati wule, ngu ha ka mirumbu, sekoko mtungu wu to ema ka vanana va ka Israyeli.

Dhewuteronome 13:18

ngako u txi engisa dipswi da Mkoma, Txizimu txako, u vekisa sotshe sirumo sakwe, asi nyamsi ni ku leletako, u maha ti i ku to lulama masoni ka Mkoma, Txizimu txako.

2 Makronika 29:10

Konkuwa mbiluni kwangu ni alakanya ti to hi maha txitumelelano ni Mkoma, Txizimu txa Israyeli, kasi ku kuhenya ka Mkoma kuhambuka kwathu.

Ezra 10:14

Sekoko ku na vekwe vathangeli vathu ditinani ka wotshe msengeletano, mndani ka mhaka yiya; ni votshe vale va ku madhoropani kwathu, va nga tekana ni vasikati va mamwani matiko, va nate ngu timbimo ta kona, kumweko ni madhota a didhoropa dimwedo ni dimwedo, ni valamuli vawe, hiza hi jikisa kule ni nathu kutura ka txiviti txa Txizimu txathu, ngu mhaka yiya.

Masalmo 85:4

Hi wuyise kwako, Txizimu, muhanyisi wathu; u txi leka ku hi henyela!

Hoseya 2:17

Ni na thavisa matina a va ka bhahali txisofuni kwako, ni matina awe kha ma na mbi khumbukwa kambe.

Jona 1:15

Se va to gula Jona ve mrinza lineneni, se linene li ema kuhenya ka lona.