Joxuwa 7:24 - Bhiblia Yo Sawuleka

²⁴ Sekoko Joxuwa ni votshe va ka Israyeli, va to teka Akane, mwana Zera, kumweko ni silivhela ni dijasi, ni dibwinzi da nzalama, ni vanana vakwe va mazambi ni vamahorana, ni tihomu takwe, ni timbongola takwe, ni tinvuta takwe, ni ditenda dakwe, ni sotshe sile a nga ti ti naso, va txi tsula naso mkovani ka Akori.

Joxuwa 7:24 Referans Kwoze

Mavingu 15:27

Wule a ku ni wunavenave, a xanisa m'ti wakwe, aniko awule a nyenyako kupfhuhwa, a na hanya kha kwati.

Hoseya 2:15

“Ni na mninga mivhinya yakwe koneyo, ni mkova wa Akori, si maha txike txa kuthemba; se koneyo a na embelela kufana ni masiku a wuhorana wakwe, ni ku nga ditshiku dile a nga huma ngu ditikoni ka Egipta.”

Isaya 65:10

Se Saroni a na va txibala txa tinvuta, ni mkova wa Akori wu na maha dizumbo da sifuyo, sa vathu vangu va va ni lavako.

Joxuwa 15:7

Muhingano wa pinda wu ya Dhebhiri, kukhukhela mkovani ka Akeri, wu txi ya wuphemba, wu txi komba kuya Giligali, ku ku masoni ka mnambo wa Adhomine, ku ku ngu wulambwe ka mlonga. Muhingano wuwa wu pinda, ngu ka mati a Ene-Semesi, wu txi gwitela Ene-Rogele.

Joxuwa 7:26

Se va to maha mmumbu wa hombe wa marigwi txitimwi kwakwe, kala ka ditshiku da nyamsi; ngu kumaha keto, Mkoma a to boxa kuhenyani kwakwe; ngu mhaka yeto wukhalo wule wu to dhanwa ku mkova wa Akori, kala ka ditshiku da nyamsi.

Eksodha 20:5

U nga si khizamele, u txi si khozela; nguko ani Mkoma, Txizimu txako, ni Txizimu txa txiluse, ni tsayisako vanana ngu mhaka ya sionho sa vatate vawe, kala ka liveleko la wuraru ni la wumune, la vale va ni vengako.

Ekleziyaste 5:13

Ku ni wubihi ni nga wu wona hahatshi ka ditambo, wu ndindetelako dikhombo: I ku tithomba tile vanyamne va tona va ti vekelako kusina.

Jobe 20:15

A mitile tithomba, aniko a na ti kosa; Txizimu txi na si humisa ngu mndani kwakwe.

Joxuwa 7:1

Aniko vanana va ka Israyeli va to ti mahela mnandu, ngu kunavela asi si nga yiliswa; nguko Akane, mwana Karimi, mwana Zabhedhi, mwana Zera, wa lihunzu la ka Judha, a to teka simaha si si nga yiliswa, se kuhenya ka Mkoma ku to vhutuka, a txi wukela vanana va ka Israyeli.

Joxuwa 6:21

Se va to lovisa ngu ditxhari sotshe si si nga ti ti ho didhoropani, kukhukhela ka wamwamna, wamsikati, mfana, txikosana, tihomu, sifuyo sa sidotho, ni timbongola.

Joxuwa 6:18

Aniko anu ti woneleni ka so yila, kasi ku mi si ti nyenyezisi ngu ku si teka, se mi txi tisa dikhombo wugoveloni ka Israyeli, ku txi ta fuviswa.

Genesisi 18:25

Lambi, ti nave kule ni nawe eto ta kufuvisa valulami kumweko ni vabihi, u txi teka mlulami ni m'bihi u txi va maha vamwevo. Eyo mapimo ma nave kule ni nawe. Mlamuli wa ditiko dotshe, kha na mbi lamula ngu kululama kani?”

Joxuwa 7:23

Va to ya si teka koko simaha sile hagari ka ditenda, va txi si tisa ka Joxuwa, ni ka votshe vanana va ka Israyeli, va txi ta si thela masoni ka Mkoma.

Joxuwa 22:20

Mbimo yi Akane, mwana Zare, a nga maha ta walo ngu kuteka simaha so handwa, txiviti txa Mkoma kha txa tsayisa wotshe msengeletano wa ka Israyeli kani? Hi nga ene ekha Akane a nga fa ngu txionho txakwe.