Joxuwa 7:2 - Bhiblia Yo Sawuleka

² Joxuwa koko a di Jeriko, a to rumela vavamna vokari va txi ya Ayi, ku ku hafuhi ni Bheti-Avheni, ngu didhawa da wutxani ka Bheteli, a txi va gela tiya: “Tsulani mi txi ya xola ditiko.” Vavamna vale koko, va to tsula kuya xola ditiko da Ayi.

Joxuwa 7:2 Referans Kwoze

Joxuwa 18:12

Muhingano wa didhawa da wuphemba wu ti ti khukhela Jordhani ngu wuphemba, wu txi ya ngu txitimwi ka mmango, wu txi komba kuya mswa-ditambo, wu txi ya gwitela txiwulani ka Bheti-Avheni.

Hoseya 4:15

Se awe Israyeli, u txi lava ku ti mwalata, Judha a nga ti ninge mnandu; mi nga teni Giligali, kambe mi nga kweleleni mi ya Bheti-Avheni, ni ku mi nga xambanyeni mi txi khanu: “Mkoma a hanyako.”

1 Samuwele 14:23

Ka ditshiku donedo Mkoma a to hulukisa Israyeli; se wugovelo wu to hoka Bheti-Avheni.

1 Samuwele 13:5

Se Vafilista va to sengeletana kasi kulwa ni Israyeli. Va ti ti ni 3.000 wa sikotxikani, ni 6.000 wa vagadhi va mahantxhi, ni vathu votala ku nga mtxhefa wa mambambe ka linene; kambe va to kwelela veya gova Mikimaxi, ngu didhawa da wutxani ka Bheti-Avheni.

Matewu 10:16

“Wonani, ni mi ruma nga tinvuta hagari ka maxolwa; ngu toneto, txharihani nga minyoka, mi txi va vo mbi na wukhuxu kufana ni situvane.

Mavingu 24:6

Nguko ngu sileleto sa wutxhari wa sikota kulwa yimbi; kutala ka sileleto ka ninga kuxula.

Mavingu 20:18

Otshe makungo ma tsaniswa ngu wusungukati; kambe yimbi yi tsimbitiswa ngu wusungukati wa wutxhari.

Genesisi 12:8

A di khukhile konaho a to ya ka mmango wu wu ku ngu didhawa da wutxani ka Bheteli, eho a to emisa ditenda dakwe, Bheteli ku txi zumbela mswa-ditambo, se Ayi, ku ti zumbela didhawa da wutxani. Koneho Abramu a to akela Mkoma txiluvelo, atxi khozela kona ditina da Mkoma.

Vaefesu 5:15

Ti di ngeto, wonisisani ta tinene mahanyelo anu; mi nga hanyiseni ku nga vathu va va si ziviko, aniko hanyani nga vathu va va zivako,

Nehemiya 11:31

Vanana va Bhenjamini wa Gebha, va to aka ka didhoropa da Mikima, ni Ayiya, ni Bheteli, ni ka makhalo a ma nga ti ti fumwa ngu vona;

Joxuwa 12:9

Vafumeli va va nga xulwa ngu vava: Mfumeli wa Jeriko, mfumeli wa Ayi, a ku hafuhi ni Bheteli,

Joxuwa 2:1

Se Joxuwa, mwana Nune, a to ruma vavamna vambidi ngu Sitime, kuya xola ngu txihunja, a txi khene: “Tsulani, mi txi ya xola ditiko da Jeriko.” Va to tsula koko, va txi ya wulela nyumbani ka digelegele dokari, di nga ti dhanwa ku i Rahabhi, va ti ya otela koneyo.

Genesisi 28:19

Se wukhalo wuwa a wu rayile ditina daku i Bheteli; kambe ditina da didhoropa dile, kale di ti dhanwa ku i Luzi.

Joxuwa 7:3

Se va va wuya ka Joxuwa, va to ta m'gela tiya: “Va nga tsule votshe vathu, ku na tsule 2.000 mwendo 3.000 wa vavamna, va txi ya xasela ditiko da Ayi; u nga karata votshe vathu, nguko valala mbadotho.”

1 Samuwele 30:27

Ka vale va ku Bheteli, ni va Ramoti ka Wulambwe, ni va Jatiri,

Jeremiya 49:3

Peka huwa awe Hesibhoni, nguko wa hasamulwa Ayi; huwelelani anu vanana va Rabha, tipambiyeteni ngu masaka, dilani, horolokelani maguma; nguko Malkami a naya wukhumbini, kumweko ni vaphaxeli vakwe ni tinduna takwe.

1 Vafumeli 12:29

Se a vekile txizimu tximwetxo kona Bheteli, e veka tximwani kona Dhani.

Isaya 10:28

Se wa hoka ka didhoropa da Ayate, wa pinda ngu Migroni, ni kutshotsha thundu yawe kona Mikimasi.