Joxuwa 7:19 - Bhiblia Yo Sawuleka

¹⁹ Sekoko Joxuwa a to khene ka Akane: “Mwanangu, na ku kombela, dhumisa Mkoma, Txizimu txa ka Israyeli, u txi ti sola masoni kwakwe; womba kwangu kona kuwa ati u nga maha, u nga ni sisele.”

Joxuwa 7:19 Referans Kwoze

1 Samuwele 6:5

Mahani koko, sifananiso sa sithunye sanu ni sifananiso sa makonzo anu, ale maxaselako ditiko, se mi dhumisa Txizimu txa ka Israyeli; mwendo Txizimu txi na hehukisa dianza da txona txitimwi kwanu, ni txitimwi ka txizimu txanu, ni txitimwi ka ditiko danu.

Jeremiya 13:16

Dhumisani Mkoma, Txizimu txanu, na ku si se maha txidema, mikondo yanu yi si se humbwa mimangoni ko phuma; mi txi ngadi mi verela liwoningo a na li phemberusa li maha mtsudi wa kufa, ni txidema txo phindeletisa kuphuma.

Johani 9:24

Ka wumbidi, va to engeta ve m'dhana m'thu wule i nga ti dibhofu, va txi kha vona kwakwe: “Dhumisa Txizimu! Athu ha tiziva ti to eyo m'thu muonhi!”

Dhaniyeli 9:4

Se ni to khongela ka Mkoma, Txizimu txangu, ni ti tshanza, ni txi khani: Yowe! Mkoma! Txizimu txa hombe, txo thaviseka, awe u xayisako txitumelelano ni wumbilu, ka vale va kurandako, va xayisako sirumo sakwe;

2 Makronika 30:22

Ezekhiya a to womba-womba ka votshe va ka levhi ava va ku ni wutxhari wa wunene wo ziva Mkoma; se vathu votshe ve busa mtxhanu wa masiku ni mambidi, va ningela mningelo wa kudikha va txi dhumisa Mkoma Txizimu txa vatate vawe.

1 Samuwele 14:43

Sekoko Sawule a to khene ka Jonatani: Ni gele ti wu nga maha. Se Jonatani a to m'gela a txi khene: Ni to danzanyana wulombe wa wudotho ngu tshoka ya donga yi ni nga ti nayo manzani; se ni fanela kufa kani?

Mavingu 28:13

Awule a sisako sihambunyeto sakwe, kha na mbi dhuka e humelela; aniko awule a ti solako ni ku si leka, a na mana wumbilu.

Masalmo 32:5

Ni ti tshanzile kwako sionho sangu, kha na sisa wubihi wangu, ni txi khani: “Ni na ti tshanza ka Mkoma, sihambunyeto sangu”; se u divalete mnandu wa txionho txangu.

Mtuletelo 16:9

Se vathu ve hya ngu kuhisa ka hombe, ve khata kuruketela ditina da Txizimu, txi txi ku ni mtamo txitimwi ka mitungu yiya. Kambe kha va hunduluka ve txi pfalisa.

Jakobe 1:20

Nguko, kuhenya ka m'thu kha ku mahi kululama ka Txizimu.

Titosi 2:2

Vavamna va madhota va nave va kutipimela, vo xonipheka, va mapimo amanene, va kutsana amu ka likholo ni mu ka lirando ni mu ka kutimisela.

2 Timoti 2:25

U fanete kulaya kha kwati ava va kanetako, ngu kurinzela ti to Txizimu txi na va ninga mtamo wa kuhunduluka,

Varoma 10:10

Nguko m'thu a kholwa ngu mbilu kasiku e mana wululami, kambe a fakaza ngu txisofu, kasiku e mana kuhanyiswa.

Luka 17:18

Kha maneka ni wammweyo a nga tshumela a ta bonga ka Txizimu, hahanze ka wu wa matiko.”

Isaya 13:12

Ni na maha ti to m'thu eva ni lisima ngutu, kupinda nzalama ya yinene, kupinda nzalama yo hehuka ya Ofiri.

Masalmo 51:3

Nguko ani, na si ziva sihambunyeto sangu yotshe mbimo ni khumbuka sionho sangu.

Joxuwa 7:20

Se Akane a to xamula ka Joxuwa, a txi khene: “Ngu ditshuri, ni onhete Mkoma, Txizimu txa ka Israyeli, ni mahile ti ni ti.

2 Vafumeli 20:15

Isaya a to khene: Va woni txani nyumbani kwako kani? Ezekhiya a to khene: Sotshe si ku nyumbani kwangu, va si woni; kha ku nga ni txa tximwetxo txi ku sisangalani kwangu ni nga mbi va komba.