Joxuwa 7:11 - Bhiblia Yo Sawuleka

¹¹ Vathu va ka Israyeli va onhile, kambe va lekile txitumelelano txangu, atxi ni nga va leleta, va txi za ve teka ni sile so yiliswa, va pite, ni kuwomba makuhu, kala va txi si veka hahatshi ka tithundu tawe.

Joxuwa 7:11 Referans Kwoze

Vahebheru 4:13

Kha txi nga ho txiwumbwa ni txa tximwetxo txi sikotako kusisala masoni ka Txizimu, nguko, sotshe si tulekile si txi maneka si di ha kubasani masoni ka wule hi fanelako kuya thethiswa ngu ngene.

Mithumo 5:9

Sekoko Pedro a txi khene kwakwe: “Mi tumelelanisile kutxani kuduka Moya wa Mkoma kani? Wona mikondo ya va va nga tshotsha mwamna wako, ndiye ha txikeni hawa; na nawe va na kuteka.”

Matewu 22:21

Se vona va ti kha vona: “Nza Khezari.” Sekoko Jesu a to va xamula a txi khene: “Ningelani ka Khezari asi i ku sa Khezari, ni ka Txizimu asi i ku sa Txizimu.”

Zakariya 5:4

Aniko txiruko txiya, ni na txi tisa, kuwomba Mkoma wa Mabutho a Tiyimbi, se ni na txi wuleta nyumbani ka dikhamba, ni nyumbani ka wule a xambanyako makuhu ngu ditina dangu; txi na zumba wusiku wothse nyumbani kwakwe, kambe txi na heta mapulango a yona, ni marigwi a kona.

Habhakuki 2:6

Ina koko kha va na mbi mu wukela votshe vava, ngu likaringani ni wombelo yo mnemetisela, va txi kha vona: Dikhombo ka wule a andisako asi i singako sakwe (kala yihi mbimo!) Ni wule a ti rwekako sikweneti apune.

Hoseya 6:7

Kambe vona va ndakile txitumelelano kufana ni Adhamu; se vona va tsimbite ngu nzila yo ni kanganyisa.

Jeremiya 31:32

Hi nga txitumelelano txo fana ni txi ni nga maha ni vatate vawe, ka ditshiku dile ni nga va ñola ngu dianza, kasi ku va humisa ngu ditikoni ka Egipta, se vona va txipisile txitumelelano txangu, hambiko ani ni ngadi va thembisile, kuwomba Mkoma.

Isaya 24:5

Kha ditshuri, mafu ma nyetilwe ngu vaaki va ona, nguko va ndaka milayo, ve txitxelela sileleto, kambe va funya txitumelelano txa kala kupinduka.

2 Vafumeli 18:12

Aniko kha va londisa dipswi da Mkoma, Txizimu txawe; va to hambunyeta txitumelelano txakwe, ni totshe tile Mosi, txithumi txa Mkoma, a nga ti ti va leletete; kha va ti pfisisa hambi ku ti maha.

Valamuli 2:20

Ngu kumaha keto, kuhenya ka Mkoma a to wukela va ka Israyeli; se a txi khene: “Ngako vathu vava va nga leka txitumelelano txangu, atxi ni nga ti leletete vatate vawe, va si engisi dipswi dangu.

Joxuwa 23:16

Ngako mi txi daya txitumelelano txi Mkoma, Txizimu txanu, a nga txi maha ni nanu, mi txi khozela simwani sizimu ni ku si khizamela, konako txiviti txa Mkoma txi na vhutuka txi mi wukela, kambe ngu kukuluveta mi na fuva ka ditiko diya da dinene, adiya ene a nga mi ninga.”

Joxuwa 7:1

Aniko vanana va ka Israyeli va to ti mahela mnandu, ngu kunavela asi si nga yiliswa; nguko Akane, mwana Karimi, mwana Zabhedhi, mwana Zera, wa lihunzu la ka Judha, a to teka simaha si si nga yiliswa, se kuhenya ka Mkoma ku to vhutuka, a txi wukela vanana va ka Israyeli.

Dhewuteronome 17:2

Ngako ka dimwedo da madhoropa ale Mkoma, Txizimu txako, a no kuninga, ku txi maneka wamwamna mwendo wamsikati wo thuka a txi maha to biha masoni ka Mkoma, Txizimu txako, ngu kuva a txi hambunyeta txitumelelano txakwe,

Levhi 5:15

Ngako m'thu wokari a txi hambanisa mlayo ngu kulunduma amu ka miningelo ya Mkoma, sekoko a fanete kutisa ka Mkoma, kasi kudivalewa txionhotxo txa kulunduma, hamba ngu ka mtxhambi wakwe, yo mbi na txibawa. Mpimo wa kunemela wu wu dinganako kuhumiswa wa silivhela, wu ku ni fanelo yo ningelwa, madingano ni mipimo yi yi thumiswako mu dithepeleni, kasi kudivalela txionho.

Joxuwa 7:10

“Sekoko Mkoma a to khene ka Joxuwa: Khukha! Ngu kutxani u txi namisa khohe yako kani?”

1 Samuwele 14:38

Sekoko Sawule a to khene: Tshuketani kheno, motshenu vathangeli va vathu, xolisisani mi wona to txionho muni txi nga mahwa nyamsi.

2 Vafumeli 5:24

Se mbimo yi a nga hoka m'tini, a to si teka ngu manza akwe e si veka nyumbani; se a to tshumeta vavamna vale ve tsula.