Joxuwa 7:1 - Bhiblia Yo Sawuleka

¹ Aniko vanana va ka Israyeli va to ti mahela mnandu, ngu kunavela asi si nga yiliswa; nguko Akane, mwana Karimi, mwana Zabhedhi, mwana Zera, wa lihunzu la ka Judha, a to teka simaha si si nga yiliswa, se kuhenya ka Mkoma ku to vhutuka, a txi wukela vanana va ka Israyeli.

Joxuwa 7:1 Referans Kwoze

Joxuwa 22:20

Mbimo yi Akane, mwana Zare, a nga maha ta walo ngu kuteka simaha so handwa, txiviti txa Mkoma kha txa tsayisa wotshe msengeletano wa ka Israyeli kani? Hi nga ene ekha Akane a nga fa ngu txionho txakwe.

Ekleziyaste 9:18

I txhuko wutxhari kupinda matxhari a yimbi, aniko muonhi mmweyo wa onha somaha so tala.

1 Makronika 21:7

Se yotshe mhaka yiya yi to maneka yi di bihile masoni ka Txizimu, ngu kumaha keto, txi to dayela va ka Israyeli.

Joxuwa 22:18

Se nyamsi ma tshuralela Mkoma, ati ti kombako to akuwa nyamsi mi wukelako Mkoma, mangwana dikhulo dakwe di na vhutuka di txi wukela wotshe msengeletano wa ka Israyeli.

Joxuwa 22:16

Wotshe msengeletano wa Mkoma wu womba tiya: Njionho muni txona txiya mi nga txi maha, txa kuwukela Mkoma, Txizimu txa ka Israyeli, akuwa nyamsi mi tshuralelako Mkoma, mi ti akela txiluvelo, atxiya i ku txiruko txo wukela Mkoma, kani?

Jona 1:7

Se mmweyo ni mmweyo a ti ti khene ka mmwani: Ngonani hi ta xaxuva tixolo, kasiku hi na ziva tito, nji txani txi hi mahako hi humelelwa ngu phango yiya. Va to xaxuva tixolo, se xolo yi ya wela Jona.

Ezra 9:6

Se ni ti khani: Awe Txizimu txangu! Ni kanganyisekile, ni ni tingana, kuva ni guleta khohe yangu kwako awe Txizimu txangu: Nguko wubihi wathu, wu andile ngutu amu ka misungo yathu, ni txionho txathu txi gulekile kala nzumani.

2 Makronika 24:18

Va to leka Nyumba ya Mkoma, Txizimu txa vatate vawe, veya khozela sithombe so vatwa ni sizimu simwani sawe. Se ngu mhakeyo Mkoma a to henyela va ka Judha ni va Jerusalema.

2 Samuwele 24:1

Se kuhenya ka Mkoma ku to engeta kuwukela va ka Israyeli, ene a to kujetela Dhavhidha ku va wukela a txi khene: Tsula u ya bala va ka Israyeli ni va ka Judha.

Dhaniyeli 9:7

Kulamula kulumba awe Mkoma, aniko kwathu ndingana ti wonekako nyamsi, tikhoheni kwathu; ka vavamna va ka Judha, ni vaaki va Jerusalema, ni dotshe ditiko da ka Israyeli; ka va hafuhi, ni ka va kule, ka otshe matiko ale u nga va hangalasa ka ona, ngu mhaka ya wuhambunyeti wawe, wule va nga kuhambunyeta ngu wona, ngu ku kuwukela.

Levhi 10:6

Se Mosi a to womba ka Aroni ni ka vanana vakwe, i ku Eleyazari ni Itamari, a txi khene: Anu mi nga vhununguleni misungo yanu hambi kuvharhula syambalo sanu, mi txi komba ku va dila, nguko mi nga fa, ngu kuva mi di vhutukisile dikhulo da Txizimu hagari ka msengeletano wotshe, kambe maxaka anu vanana va ka Israyeli, ngu vona va no dila ngu mhaka ya wuhya wuwa Mkoma a nga wu maha.

2 Vafumeli 5:24

Se mbimo yi a nga hoka m'tini, a to si teka ngu manza akwe e si veka nyumbani; se a to tshumeta vavamna vale ve tsula.

Genesisi 34:27

Vafana va Jakobe va to handa simaha sa vale va nga va dayela, va txi ya handa kambe didhoropani, kufela kupharela mhaka ya kunyenyeza, ayi va nga yi maha ka Dhina, ndiyawe.

Jobe 35:8

Wubihi wako wa maha ta walo ka mmwani m'thu; ni kululama kwako ka vhuna mwanana wa mkwanu.