Joxuwa 6:6 - Bhiblia Yo Sawuleka

⁶ Sekoko Joxuwa, mwana Nune, a to dhana vaphaxeli, a txi va gela tiya: “Rwalani dibhokiso da txitumelelano; mtxhanu wa vaphaxeli ni vambidi, va na teke mtxhanu wa titshodi ni timbidi ta titxheho ta tihamba, va txi thangela masoni ka dibhokiso da Mkoma.”

Joxuwa 6:6 Referans Kwoze

Mithumo 9:1

Kambe Sawule, ngukuva a di ngadi ni mahika a kubavela kudaya vagondiswa va Mkoma, a to tsula ka mphaxeli wa hombe,

Joxuwa 6:13

Se vaphaxeli vale va mtxhanu ni vambidi, va nga ti tekile mtxhanu wa titshodi ni timbidi ta titxheho ta tihamba, masoni ka dibhokiso da Mkoma, va txi tsimbila na va txi veta titshodi; se avale va nga ti xomile, va ti thangete masoni kwawe, se avale va nga txi londeta va txi tsimbila ngu msana ka dibhokiso da Mkoma; vaphaxeli va txi tsimbila na va txi veta titshodi.

Joxuwa 6:8

Se ku to mahwa nga ti Joxuwa a nga wombisa tona ka vathu, taku mtxhanu wa vaphaxeli ni vambidi, va ngadi tekile mtxhanu wa titshodi ni timbidi ta titxheho ta tihamba, masoni ka Mkoma, va to pinda va txi veta titshodi; se dibhokiso da txitumelelano txa Mkoma di txi va londetela.

Joxuwa 3:6

Se Joxuwa a to womba ka vaphaxeli a txi khene: “Gulani dibhokiso da txitumelelano, mi txi thangela masoni ka vathu vava.” Va to gula koko dibhokiso da txitumelelano, va txi thangela masoni ka vathu.

Joxuwa 3:3

se va to leleta ka vathu, va txi kha vona: “Ngako mi txi wona dibhokiso da txitumelelano txa Mkoma, Txizimu txanu, na di txi gulwa ngu vaphaxeli va Valevhi, khukhani nanu ka wukhalo wanu mi di londeta.

Eksodha 25:14

U na wuletisa mipakato aha ka masinda a dibhokiso, kasiku wu txi gulwa ngu yona.

Joxuwa 6:5

Se ku na maheka taku, ku txi vetwa ngu kulaphisa tshodi ya litxheho la hamba, na mi txi pfa diguwa da tshodi, votshe vathu va na kwangula ngutu; diguma da didhoropa di na wa hahatshi, se vathu va na wulela ka dona, mmwani ni mmwani ngu kona hale a nga rendekela kona.”

Joxuwa 6:7

Se a to khene ka vathu: “Tsulani mi txi ya tenderukela didhoropa; se awule a nga xoma a na thangele masoni ka dibhokiso da Mkoma.”

1 Samuwele 4:3

Se mbimo yile vathu va nga tshumela veya wugoveloni, madhota a ka Israyeli, ma to kha ona: A hi lekete txani Mkoma hi xulwa nyamsi masoni ka Vafilista kani? Hi tsimbeleni Silo hi ya teka dibhokiso da txitumelelano txa Mkoma, hi ta di veka hagari kwathu, kasiku di txi hi hulukisa manzani ka valala vathu.

Joxuwa 24:11

“Se mi di txhatukile mnambo wa Jordhani, mi hoka Jeriko, aniko vaaki va Jeriko, va lwite ni nanu, Vaamori, Vaferezi, Vakanana, Vaheti, Vagergezi, Vahevhi, ni Vajebhusi, kambe ani ni va ningete manzani kwanu.