Joxuwa 6:3 - Bhiblia Yo Sawuleka

³ Anu koko, motshenu vavamna va yimbi, mi na tenderukela didhoropa, mi txi randela didhoropa kumweko ngu ditshiku; mi na maha eto mndani ka mtxhanu wa masiku ni dimwedo.

Joxuwa 6:3 Referans Kwoze

2 Vakorinto 4:7

Aniko, thomba yi hi ku nayo, yi vekilwe mu ka siya sa dibumba, kasiku ti txi zivaneka ti to mtamo wuwa wa hombe wuta ngu ka Txizimu, kha wu ti ngu kwathu.

Mitengo 14:9

Mi nga ti lambiseni mi wukela Mkoma, kambe mi nga thaveni vathu va ditiko diya, nguko vona va na va kudya kwathu; kha ku nga ho amu va no ya sisala kona, nguko Mkoma ana ni nathu; mi nga thave.

Joxuwa 6:7

Se a to khene ka vathu: “Tsulani mi txi ya tenderukela didhoropa; se awule a nga xoma a na thangele masoni ka dibhokiso da Mkoma.”

Joxuwa 6:14

Ngu kumaha keto, va to tenderuka kambe didhoropa, ngu ditshiku da wumbidi, va txi tshumelela wugoveloni; va to maha toneto mtxhanu wa masiku ni dimwedo.

Joxuwa 6:2

Sekoko Mkoma a to khene ka Joxuwa: “Wona! Ni ningete manzani kwako didhoropa da Jeriko, mfumeli wa dona, ni vavamna va dona, va tindena ta mtamo.

Joxuwa 6:4

Se mtxhanu wa vaphaxeli ni vambidi va na teka mtxhanu wa titshodi ni timbidi, ta titxheho ta tihamba, va txi thangela masoni ka dibhokiso, se ka ditshiku da wutxhanu ni mambidi, mi na tenderuka didhoropa mtxhanu wa sikhati ni simbidi; se vaphaxeli va na veta titshodi.

Joxuwa 6:11

Se a to maha ti to dibhokiso da Mkoma di horoloka didhoropa, di txi di tenderuka txikhati tximwetxo; se va to wuya wugoveloni, va txi ta otela kona.

2 Makronika 4:3

Se ngu hahatshi ka likasa lo ranganyeta, ku ti ti ni sifaniso sa tihomu si nga ti ti ranganyetile; ngu digumi da mikono li ti ti tsaniswa linene ngu madhawani ka kona; sigava simbidi sa sifundo si ti ti bandarisilwe ni Linene la kona.