Joxuwa 6:23 - Bhiblia Yo Sawuleka

²³ Sekoko majaha ale a sinyengwani, ma to wulela ma txi ya humisa Rahabhi, ni tate wakwe, ni mame wakwe, ni vanawe, ni sotshe si a nga ti ti naso; va to humisa ni otshe maxaka akwe, va txi ya ma veka hahanze ka wugovelo wa ka Israyeli.

Joxuwa 6:23 Referans Kwoze

Vahebheru 11:7

Ngu likholo, Nowa, a di zivisilwe ngu Nyatxitimwi timhaka tile ti nga sinzi kuwoneka, a vekete lisima txiziviso txiya, a txi aka Ngalava kasi kuponisa ngamu yakwe. Ngu mhaka ya toneto, a abanisile ditiko, a txi amukela kululama kuwa ku manwako ngu likholo.

Vaefesu 2:12

alakanyani tito, ka yile mbimo, mi ti si lumbi Kristu, mi ti si nga ni fanelo ya kubalwa kumweko ni va ka Israyeli, mi ti maneka mi di vamatiko ka situmelelano ni sithembiso sa Txizimu ha mafuni.

1 Vakorinto 5:12

Ina ti lumba ani kulamula ava va ku hahanze kani? Ina hi nga va m'tini ava anu mi va lamulako kani?

Mithumo 27:24

yi txi kha yona: ‘U nga thave, Paulo! U fanete kuhoka masoni ka Khezari; wona, Txizimu txi vekile manzani kwako wutomi wa votshe va u endako navo mu txitimelani.’

Mithumo 10:28

Se a txi khene kwawe: “Ma tiziva ti to ta yila ngutu ka Mujudha kutshangana ni vamatiko hambi ku va endela. Kambe Txizimu txi ni kombisile ti to ni si thuki ni womba ku m'thu wa yila, hambi ku ana ni nzambwa.

Mitengo 31:19

Se anu zumbani hahanze ka dizumbo mtxhanu wa masiku ni mambidi; ni wuhi wu a nga daya m'thu wokari, mwendo ni wuhi wu a nga gwesa m'thu wokari wa kufa, ngu ditshiku da wuraru ni ditshiku da wutxhanu ni mambidi, mi na ti sawulekisa, anu ni tikhumbi tanu.

Genesisi 18:24

Idiku vo maneka mu didhoropani mtxhanu wa magumi a vathu vo lulama. Ina u nga lovisa dotshe didhoropa, u txi lamba kudivalela ngu mhaka ya valulami va mtxhanu wa magumi kani?

Genesisi 12:2

Ni na maha lihunzu la hombe ngu ngawe; ni na kukatekisa, ni kuninga ditina da hombe, uva ditshina da makatekwa.

Joxuwa 2:18

aniko ngako hi txi ta ditikoni muwa, se u si sungi ngoti yiya yo bhilivila ha difasitelani hale u nga hi txhikisa ngu kona; kambe u si tisi nyumbani tate wako ni mame wako, ni vananu, ni otshe maxaka a tate wako.

Joxuwa 2:13

txa ku mi na hulukisa tate wangu ni mame wangu, kumweko ni tindiya tangu ni vanathu, ni sotshe si va ku naso, ni ti to mi na hulukisa wutomi wathu ka lifo.”

Genesisi 19:29

Ngu toneto, mbimo yi Txizimu txi nga haxula madhoropa ale a libalani, txi to alakanya Abrahamu, se txi hulukisa Loti ka kuhaxulwa ka madhoropa awa Loti, a nga ti akile ka ona.

Vahebheru 11:31

Ngu likholo, Rahabhi wa digelegele, kha dawa kumweko ni vakanganyisi, nguko a amukete sinyengwani ngu kuthutha.

Joxuwa 2:16

Se a to va gela ku khene: “Tsulani mmangoni, kasi ku avale va mi londetako va si thuki ve mi mana; se sisalani kona eyo masiku mararu, kala kuza va txi wuya avale va mi londetako, se msana keto, tsulani ngu nzila yanu.”

Valamuli 1:25

Se mbimo yile a nga va komba txike txo wulela ngu txona didhoropani, va to dayela vathu va didhoropa ngu ditxhari; aniko va to leka wule wamwamna e tsula ni ngamu yakwe yotshe.