Joxuwa 6:22 - Bhiblia Yo Sawuleka

²² Aniko Joxuwa a to womba ka vavamna vale vavambidi va nga ya xola ditiko, a txi khene: “Wulelani nyumbani ka wamsikati wule wa digelegele, mi txi ya humisa wule wamsikati, ni sotshe si a ku naso, nga ha mi nga xambanya kwakwe.”

Joxuwa 6:22 Referans Kwoze

Vahebheru 11:31

Ngu likholo, Rahabhi wa digelegele, kha dawa kumweko ni vakanganyisi, nguko a amukete sinyengwani ngu kuthutha.

Joxuwa 6:17

“Didhoropa di na ruketelwa masoni ka Mkoma, dona ni sotshe si si ku ka dona; Rahabhi, awu wa digelegele, ngene ekha a no hanya, ene kumweko ni votshe vale va no maneka va diho nyumbani, nguko a sisile tixoli tile hi nga ti ruma.

Ezekhiyele 17:16

Ngako ni hanyako, kuwomba Mkoma Txizimu, ka wukhalo wu a zumbako ka wona, mfumeli wule a nga fumiswa ngu ngene, akule a nga eyisa txixambanyo ni kufunya txitumelelano, ina, a na fela kona Bhabhilona.

Ezekhiyele 17:13

se a to teka mmweyo wa liveleko la wukoma, e maha txitumelelano nayo; a to mxambanyisa, e teka ni vathangeli va hombe va mafu ditiko,

Masalmo 15:4

awule a solako ava vo biha, aniko a txi dhunda avale va thavako Mkoma; awule a mahako ti a nga thembisa, hambi ene a txi luzekelwa;

2 Samuwele 21:7

Kambe mfumeli a to felela Mefibhosete mwana Jonatani, mwana Sawule, ngu mhaka ya txixambanyo txa Mkoma, txi txi nga ti tiho kwawe, hagari ka Dhavhidha ni Jonatani, mwana Sawule.

2 Samuwele 21:2

Sekoko mfumeli a to dhana Vagibheyoni e ta khene kwawe: (Vagibheyoni i si nga va vanana va ka Israyeli, kambe i ti miboti ya Vaamori; aniko vanana va ka Israyeli va ti va xambanyete, nguko Sawule a lavile ku va daya ngu kupandisekela, vanana va ka Israyeli, ni va ka Judha).

Joxuwa 9:15

Se Joxuwa a to engisana navo e maha txitumelelano kumweko navo, txa ku a na va hulukisa; se vathangeli va msengeletano va to va mahela txixambanyo.

Joxuwa 6:23

Sekoko majaha ale a sinyengwani, ma to wulela ma txi ya humisa Rahabhi, ni tate wakwe, ni mame wakwe, ni vanawe, ni sotshe si a nga ti ti naso; va to humisa ni otshe maxaka akwe, va txi ya ma veka hahanze ka wugovelo wa ka Israyeli.

Valamuli 1:25

Se mbimo yile a nga va komba txike txo wulela ngu txona didhoropani, va to dayela vathu va didhoropa ngu ditxhari; aniko va to leka wule wamwamna e tsula ni ngamu yakwe yotshe.