Joxuwa 6:21 - Bhiblia Yo Sawuleka

²¹ Se va to lovisa ngu ditxhari sotshe si si nga ti ti ho didhoropani, kukhukhela ka wamwamna, wamsikati, mfana, txikosana, tihomu, sifuyo sa sidotho, ni timbongola.

Joxuwa 6:21 Referans Kwoze

Jeremiya 48:18

Txhika ngu mfumoni kwako, u txi khalahatsha mu ka kuoma, awe muaki, mwana Dhibhoni; nguko muhasamuli wa Mowabhi a ku hokete, a tshungunulete maguma ako.

Mtuletelo 18:21

Konako ngelozi ya mtamo yi to gula dirigwi do nga txiwindi txa hombe txa txigayo, yi di rinza lineneni, yi txi kha yona: “Ngu mtamo wo fana ni wona wuwa, Bhabhilona, Didhoropa da Hombe, a na rinzwa lineneni, se kha na mbi swa e manwa.

1 Vafumeli 20:42

Se ene a to khene ka mfumeli: Mkoma a khene: Ngako u nga mleka wamwamna wule ni nga leleta ku e dawa, wutomi wako wu na lova wukhaloni ka wutomi wakwe, ni vathu vako ka wukhalo wa vathu vakwe.

1 Samuwele 15:8

Se a to ñola Agage, mfumeli wa Vaamaleki; kambe votshe vathu a to va lovisa ngu ditxhari.

1 Samuwele 15:3

Tsula koko, konkuwa, u ya xasela Vaamaleki, u onhetela sotshe si va ku naso, u nga vatsetse; aniko u na daya vavamna ni vavasikati, vafana ni vanana va ha tshumbuni, tihomu ni tinvuta, makamelu ni timbongola.

Joxuwa 11:14

Se sotshe si va nga handa ka ona madhoropayo, kumweko ni sifuyo, vanana va ka Israyeli va si tekile va txi phakelana ngu sona; se va to dayela votshe vavamna ngu ditxhari, va txi za ve va fuvisa; kha va nga leka ni txa tximwetxo txo hanya txi txi sala.

Joxuwa 10:39

Va to di khozisa didhoropa kumweko ni mfumeli wa kona, ni otshe madhoropa ale ma nga txi fumwa ngu dona; va to ma fuvisa ngu ditxhari, ve lovisa sotshe sile si nga ya maneka ka dona si txi hanya, kha va leka ni wumwewo e sala; nga ti a nga maha ka Hebroni, ni ka Libhina, ni ka vafumeli va kona, ngu toneto Joxuwa a nga ti maha ka Dhebhiri ni ka mfumeli wa kona.

Joxuwa 10:28

Se ka dona ditshiku edo da dimwedo, Joxuwa a to khozisa didhoropa da Makedha, a txi daya mfumeli wa dona, ngu ditxhari, a txi lovisa votshe va nga txi hanya ka dona; kha nga siya ni m'boti ka dona, a to maha ka mfumeli wa kona ta kufana ni ti a nga maha ka mfumeli wa Jeriko.

Dhewuteronome 7:16

Ngu kumha keto, u na fuvisa vathu votshe, vale Mkoma, Txizimu txako, a no va ningela kwako; diso dako di nga ve ni wumbilu ngu vona, kambe u nga khozele sizimu sawe, eto ti nga va i di litshenga kwako.

Dhewuteronome 2:34

Ka txonetxo txikhati, hi tekile otshe madhoropa awe hi txi ma khundumusela, hi fuvisa vavamna ni vavasikati ni vanana, ku si sali ni wammweyo.

Dhewuteronome 13:16

Se u na tshanganisa yotshe thomba yawe hagari ka mthanda wa didhoropa, u hisa dotshe didhoropa, ni yotshe thomba ya dona, sotsheso u hisela Mkoma, Txizimu txako, u si siyi ni txa tximwetxo; se di na va dirumbi yotshe mbimo, kha di na mbiswa di aketwa.

Joxuwa 8:2

“U na maha ka didhoropa da Ayi ni ka mfumeli wa kona, nga ti u nga maha ka Jeriko ni ka mfumeli wa kona, sekoko mi na handa tithomba ni sifuyo sa kona; veka vo baramela, ngu msana ka didhoropa.”

Joxuwa 8:22

Ni Vaisrayeli vale va didhoropani, va to huma va txi hingeta va ka Ayi, se va txi maneka hagari ka va ka Israyeli, vamwani ka didhawa di, vamwani ka dile, se va to va dayela, kuza ni wammweyo asi maneki wo huluka.

Joxuwa 9:3

Aniko vaaki va Gibheyoni, ngako va di pfite ti Joxuwa a nga maha kona Jeriko ni Ayi,

Joxuwa 11:11

Se va to dayela ngu ditxhari, sotshe sivangwa so hanya, kha va nga siya ni txa tximwetxo txo hanya; kambe va to hisa ni didhoropa da Hazori.