Joxuwa 6:2 - Bhiblia Yo Sawuleka

² Sekoko Mkoma a to khene ka Joxuwa: “Wona! Ni ningete manzani kwako didhoropa da Jeriko, mfumeli wa dona, ni vavamna va dona, va tindena ta mtamo.

Joxuwa 6:2 Referans Kwoze

Dhewuteronome 7:24

Ene a na ningela vafumeli va ona manzani kwako, se awe u na pfhita matina awe hahatshi ka nzuma: Ni wammweyo kha na mbi tsana masoni kwako, kala u va fuvisa.

Joxuwa 8:1

Sekoko Mkoma a to khene ka Joxuwa: “U nga thave, kambe u nga xamale; teka otshe masotxhwa, u txi yalwa ni didhoropa da Ayi; wona taku ni ningete manzani kwako mfumeli wa Ayi, ni vathu vakwe, ni didhoropa dakwe, ni ditiko dakwe.”

Joxuwa 2:24

Se va to kha vona ka Joxuwa: “Kha ditshuri Mkoma a ningete dotshe ditiko diya manzani kwathu, nguko hambi votshe vaaki va kona va gumile mtamo masoni kwathu.”

Joxuwa 2:9

Se a txi ya khene ka vavamna vale: “Na tiziva ti to Mkoma a mi ningile ditiko diya, ni ti to kuthisa kwanu ku txitimwi kwathu, niku votshe vaaki va ditiko va gumile mtamo masoni kwanu.

Nehemiya 9:24

Ngu kumaha keto, vanana vawe va to wulela ka dona ve di teka; se u wisile hahatshi masoni kwawe, vahanyi va ditiko dile, i ku Vakanana, u va ningela manzani kwawe, ni vafumeli, ni vathu va ditiko, kasi ku va Israyeli va na maha kuranda kwawe ngu vona.

Dhaniyeli 4:17

Kulamula kuwa kuyelana ni mthetho wa vawoneleli, se kuruma kuwa ngu kule ka mlayo wa vasawuleki; Kasiku va va hanyako ve ziva ti taku Nyatxitimwi wa fuma txitimwi ka mifumo ya vathu, kambe wa ninga ni wuhi a mrandako, kala ka m'thu wa hahatshi ngutu.

Dhaniyeli 2:21

Ngu txona txi hundulusako timbimo ni sikhati; txa thavisa ni kuveka vafumeli ha situluni kwawe; ngu txona txi ningako wuzivi ka sizivi ni wutxhari ka titxhari.

2 Samuwele 5:19

Se Dhavhidha a to wotisa ka Mkoma, a txi khene: Ni kwelela ni yalwa ni Vafilista kani? Ina wu na va ningela manzani kwangu kani? Se Mkoma a to khene ka Dhavhidha: Kwelela, nguko kha ditshuri ni na ningela Vafilista manzani kwako.

Valamuli 11:24

Khu na mbi fumela matiko ale txizimu txako Kamosi txi nga kuninga, u txi ma khozisa kani? Ngu toneto, athu hi na xayisa sotshe si Mkoma, Txizimu txathu, a nga tekela vamwani a txi hi ninga.

Valamuli 11:21

Se Mkoma, Txizimu txa ka Israyeli, a to ningela Seyoni ni vathu vakwe votshe, manzani ka va ka Israyeli, ve va khozisa; se Israyeli a to teka dotshe ditiko da Vaamori, ava va nga ti akile ka ditiko dile.

Dhaniyeli 4:35

Se votshe vaaki va ha mafuni hi nga va txilo masoni kwakwe, se madingano ni kuranda kwakwe, ene a thuma ni dibutho da nzumani ni vaaki va ha mafuni. Kha ngaho wu a nga tsivelako dianza dakwe, hambi ku wotisa taku: U maha txani kani?

Dhaniyeli 2:44

Aniko ka masiku a vafumeli vale, Txizimu txa nzumani txi na wusa mfumo wu wu no mbi dhuka wu khundumuswa; se mfumo ewo kha wu na mbi pinda wuya ka vamwani vathu, wu na balisela ni kuheta yotshe mifumo eyo, kambe wu na zumba ngu ha ku sigwitiko.

Dhaniyeli 5:18

Awe mfumeli, Txizimu, Nyatxitimwi, txi ningile tate waku, Nebhukodhonosori, mfumo, wuhombe, wudhumo, ni wudhundo wa hombe.

Joxuwa 6:1

Ngu toneto, matimba a Jeriko ma ti ti sekilwe me khotwa, ngu mhaka ya kuthava vanana va ka Israyeli; ni wammweyo a ti si humi hambi kuwulela.

Joxuwa 6:3

Anu koko, motshenu vavamna va yimbi, mi na tenderukela didhoropa, mi txi randela didhoropa kumweko ngu ditshiku; mi na maha eto mndani ka mtxhanu wa masiku ni dimwedo.

Joxuwa 12:9

Vafumeli va va nga xulwa ngu vava: Mfumeli wa Jeriko, mfumeli wa Ayi, a ku hafuhi ni Bheteli,

Joxuwa 20:1

Mkoma a to womba kambe ka Joxuwa a txi khene: