Joxuwa 6:13 - Bhiblia Yo Sawuleka

¹³ Se vaphaxeli vale va mtxhanu ni vambidi, va nga ti tekile mtxhanu wa titshodi ni timbidi ta titxheho ta tihamba, masoni ka dibhokiso da Mkoma, va txi tsimbila na va txi veta titshodi; se avale va nga ti xomile, va ti thangete masoni kwawe, se avale va nga txi londeta va txi tsimbila ngu msana ka dibhokiso da Mkoma; vaphaxeli va txi tsimbila na va txi veta titshodi.

Joxuwa 6:13 Referans Kwoze

Vagalatiya 6:9

Hi nga rerekeni kuthuma ta tinene, nguko ngu mbimo ya kona, hi na elula, ngako hi txi timisela.

Matewu 24:13

Aniko awule a no zumba a di tsani kala magwito, a na hanyiswa.

1 Makronika 15:26

Se ku to maheka koko taku, mbimo yile Txizimu txi nga ti vhuna Valevhi vale va nga ti rwate dibhokiso da txitumelelano txa Mkoma, va to phaxa ngu mtxhanu wa marole ni mambidi, ni mtxhanu wa tihamba ni timbidi.

Mitengo 10:25

Sekoko ku to khukha m'jeke ngu wugoveloni ka vanana va ka Dhani, madingano ni mabutho awe a yimbi; se ka dibutho dawe da yimbi, ku ti ti ni Ayezeri, mwana Amixadhayi.

Joxuwa 6:4

Se mtxhanu wa vaphaxeli ni vambidi va na teka mtxhanu wa titshodi ni timbidi, ta titxheho ta tihamba, va txi thangela masoni ka dibhokiso, se ka ditshiku da wutxhanu ni mambidi, mi na tenderuka didhoropa mtxhanu wa sikhati ni simbidi; se vaphaxeli va na veta titshodi.

Joxuwa 6:9

Se avale va nga ti xomile, va ti ti masoni ka vaphaxeli vale va nga txi veta titshodi; se vale va nga txi londetela ngu msana ka dibhokiso, va txi tsimbila, na va txi veta titshodi.

Joxuwa 6:12

Msana keto, Joxuwa a to wuka ni mabimbi-kutxa, se vaphaxeli va to rwala dibhokiso da Mkona.

Joxuwa 6:14

Ngu kumaha keto, va to tenderuka kambe didhoropa, ngu ditshiku da wumbidi, va txi tshumelela wugoveloni; va to maha toneto mtxhanu wa masiku ni dimwedo.