Joxuwa 6:1 - Bhiblia Yo Sawuleka

¹ Ngu toneto, matimba a Jeriko ma ti ti sekilwe me khotwa, ngu mhaka ya kuthava vanana va ka Israyeli; ni wammweyo a ti si humi hambi kuwulela.

Joxuwa 6:1 Referans Kwoze

Joxuwa 2:24

Se va to kha vona ka Joxuwa: “Kha ditshuri Mkoma a ningete dotshe ditiko diya manzani kwathu, nguko hambi votshe vaaki va kona va gumile mtamo masoni kwathu.”

Masalmo 127:1

Ngako Mkoma asi aki nyumba, vo thuma walo ava va yi akako. Ngako Mkoma asi woneleli didhoropa, vo pileka walo ava va di wonelelako.

Joxuwa 2:7

Se vavamna vale, va to londeta tixoli ngu msana, ngu nzila ya Jordhani, kala mabeloni; se ku to sekwa ditimba, msana ka kuva va di humile avale vo londeta.

2 Vafumeli 17:4

Hambi keto, mfumeli wa Asiriya a mani txikungo txa Hoseya, nguko a ti rumete mitumi ka So, mfumeli wa Egipta, asi ngadi e luva kambe ka mfumeli wa Asiriya dilembe ni dilembe, nga kale; sekoko mfumeli wa Asiriya a to mkhotela mkorani.

Joxuwa 5:15

Sekoko mthangeli wa dibutho da Mkoma, a to khene ka Joxuwa: “Thavisa tikathula mikondoni kwako, nguko wukhalo wu u ku ka wona, mbwo sawuleka.” Se Joxuwa a to maha toneto.

Joxuwa 6:2

Sekoko Mkoma a to khene ka Joxuwa: “Wona! Ni ningete manzani kwako didhoropa da Jeriko, mfumeli wa dona, ni vavamna va dona, va tindena ta mtamo.

Joxuwa 2:1

Se Joxuwa, mwana Nune, a to ruma vavamna vambidi ngu Sitime, kuya xola ngu txihunja, a txi khene: “Tsulani, mi txi ya xola ditiko da Jeriko.” Va to tsula koko, va txi ya wulela nyumbani ka digelegele dokari, di nga ti dhanwa ku i Rahabhi, va ti ya otela koneyo.

Joxuwa 16:7

se wu txi relela ngu Janowa kala Atarote ni Naharati, wu txi pinda ngu Jeriko, wu txi ya gwitela Jordhani.

Joxuwa 18:21

Madhoropa a lihunzu la vanana va ka Bhenjamini, ngu mtengo wa timwaya tawe, ngu awa: Jeriko, Bheti-Hogila ni Ameki-Zixa,

2 Samuwele 10:5

Se vona va to yisa mhaka ka Dhavhidha, ene a to rumela vathu va kuva hingeta, nguko vavamna vava va ti ti ka tingana ta hombe ngutu; se mfumeli a to khene: Zumbani kheyo Jeriko, kala kuza maletu anu me kula, sekoko mi na wuya.

2 Vafumeli 2:4

Se Elija a to khene: Elixa, sala kona hawa, nguko Mkoma a ni rumile kuya Jeriko. Aniko ene a nje khene: Ni xambanya ngu Mkoma a hanyako ni moya wako wu hanyako a tito, kha ni na mbi kuleka. Se va to ta Jeriko.