Joxuwa 5:6 - Bhiblia Yo Sawuleka

⁶ Nguko vanana va ka Israyeli va tsimbite mune wa magumi a malenbe txiwulani, kala kuza va txi guma votshe vathu, i ku vavamna va yimbi, va nga huma ngu Egipta, va nga mbi engisa dipswi da Mkoma, kevo Mkoma a nga ti va xambanyete ti to kha na mbi va leka ve wona ditiko dile Mkoma a nga xambanya ka vatate vawe ku hi ninga, ditiko di di khulungako masi ni wulombe.

Joxuwa 5:6 Referans Kwoze

Mitengo 14:23

ngu mhaka ya eto, ava vathu, lambi, kha va na mbi di wona ditiko di ni nga xambanya ka vatate vawe ti to ni na va ninga, lambi ni wammweyo wa va va nga ni kanyisa a no wona ditikodo.

Dhewuteronome 2:14

Kukhukhela Kadhesi-Bharneya, kala hi txhatuka mlonga wa Zeredhi, dipfhumba dathu di tekile magumi mararu a malembe, ni mtxhanu wa malembe ni mararu, kala ku txi guma lotshe liveleko lile la masotxhwa, ale ma nga ti emisetwe yimbi, nga ti Mkoma a nga ti va xambanyete tona.

Vahebheru 3:11

Ngu toneto, ni xambanyile kuhenyani kwangu ni txi khani: ‘Kha va na mbi wulela kuhumulani kwangu.’ ”

Dhewuteronome 2:7

Nguko Mkoma, Txizimu txako, a kukatekisile ka yotshe mithumo ya manza ako; kambe ene a ku pangalatile mu kutsimbilani kwako, ngu mu ka txiwula txa hombe. Mndani ka mune wa magumi a malembe, Mkoma, Txizimu txako, a ti ti ni nawe, ni txa tximwetxo tximaha kha txa pwateka kwako.

Dhewuteronome 1:3

Se ku to maheka taku, ka dilembe da mune wa magumi, ka ditshiku do khata ka mtxima wa digumi ni wumwewo, Mosi a wombile ka vanana va ka Israyeli totshe ti Mkoma a nga mleleta, kasi ku e va gela,

Eksodha 3:8

Ngu mhaka yeto ni relete kasiku ni txi va thusa mu manzani ka Vaegipta, ni txi va humisa ka ditiko donedo, va txi ya ka ditiko da dinene, da hombe, ditiko di di khulungako masi ni wulombe, wukhalo wa Vakanana, wa Vaheti, wa Vaamori, wa Vaferezi, wa Vahevhi ni wa Vajebhuzi.

Ezekhiyele 20:15

Hambi keto ni guletile dianza txitimwi kwawe, amu txiwulani, kasi ni si va leki ve wulela ka ditiko dile ni nga ti ti va ningile, dile di khulungako masi ni wulombe, kambe i ku wudhundo wa matiko otshe.

Jeremiya 2:2

Tsula, kwangula tinzeveni ka Jerusalema, u txi khawe: Mkoma a khene: “Na alakanya wunene wa wuphya wako, Ni lirando lako mbimo yi u nga wutwa ngu yona; mbimo yile u nga ti ni londetela txiwulani, Ka ditiko di ku nga sa phaywa txilo

Dhewuteronome 8:4

Syambalo sako kha sa sakala ha mmidi kwako, hambi mikondo yako kha ya simba hagari ka ona malembeyo a mune wa magumi.

Ezekhiyele 20:6

Ka ditshiku dile ni va gulete dianza, kasi ku va humisa ditikoni ka Egipta, va txi ya ka ditiko di ni nga ti va vekete dona, emo ku khulungako masi ni wulombe, i ku wudhundo ka otshe matiko.

Eksodha 3:17

Ngu mhaka yeto, ani ni khani: Ni na mi thusa mu kuxuphekani ka Egipta mi txi ya ditikoni da Vakanana, Vaheti, da Vaamori, da Vaferezi, da Vahevi ni da Vajebhusi ka ditiko di di khulungako masi ni wulombe.

Joyeli 3:18

Se ku na maheka taku ka ditshiku dile, mimango yi na vhelisa vhinya ya yiphya, simangwanani ku na khulunga masi, yotshe minambo ya ka Judha yi na va yi di tate ngu mati; se ku na huma txisima ngu Nyumbani ka Mkoma txi theletela mkovani ka Sitime.

Mitengo 26:63

Avava ngu va va nga balwa ngu Mosi ni Eleyazari, mphaxeli, va nga bala vanana va ka Israyeli mikovani ka Mowabhi, hafuhi ni Jordhani, ka Jeriko.

Joxuwa 5:5

Nguko votshe vathu vale va nga huma, va ti ti sinyisilwe wukwera, aniko avale va nga velekwa ha nzila txiwulani, msana ka kuva va di humile Egipta, va ti sa sinyiswa wukwera.

Joxuwa 5:7

Aniko, ka wukhalo wawe, a vekile vanana vawe; i ku vale Joxuwa a nga va sinyisa wukwera, nguko va ti sa sinyiswa wukwera, va ti sa sinyiswa wikwera hanzila.

Masalmo 107:4

Va to timela, ve pengapenga txiwulani, va si mani nzila ya ku va yisa ka didhoropa do zumba ka dona;

Joxuwa 1:6

U fanete kuva ni mtamo, u txi tsanisa mbilu, nguko ngawe u no abanisela ditiko ka vathu vava, adi ni nga xambanya ka vatate vawe, ti to ni na va ninga.

Joxuwa 24:7

Se va to dila ka Mkoma, ene a to veka mtema hagari kwanu ni Vaegipta, e wuyisa linene txitimwi kwawe li va mita. Anu mipune mi ti woni ngu maso anu, ati ani ni nga maha Egipta. Msana keto, mi zumbile txiwulani masiku amangi.