Joxuwa 5:14 - Bhiblia Yo Sawuleka

¹⁴ Se ene a to khene: “Ahim-him! Aniko konkuwa nita kota mthangeli wa dibutho da Mkoma.” Sekoko Joxuwa a to khizama e namisa khohe yakwe hahatshi, a txi mkhozela, e m'gela tiya: “U lava kuwomba txani, awe Nyamne wangu, ka txithumi txako kani?”

Joxuwa 5:14 Referans Kwoze

Isaya 55:4

Wonani taku ani ni m'vekile kuva fakazi ka vathu, kuva mthangeli ni mfumeli wa vathu.

Genesisi 17:3

Sekoko Abramu a to wa hahatshi ngu mbanza; Txizimu txi to womba kwakwe txi txi kha txona:

Luka 20:42

Nguko Dhavhidha apune a wombile ka Dibhuku da Masalmo, a txi khene: ‘Mkoma a ti khene ka Mkoma wangu: Zumba ngu txineneni kwangu,

Dhaniyeli 12:1

Se ka mbimo yoneyo, ku na humelela Migeli, mthangeli wa hombe, a wuselwako vanana va ditiko dako, kambe ku nava ni mbimo ya kuxaniseka, ko mbi khala kuhumelela, kukhukhela ku nga va ni mfumo kala ka mbimo yile; aniko ka yoneyo mbimo, vathu vako va na hulukiswa, votshe vale va no maneka va di bhatwe amu ka dibhuku.

Dhaniyeli 10:13

Aniko mthangeli wa mfumo wa Persiya a to thangela masoni kwangu e ni vhalela magumi mambidi a masiku ni dimwedo, se Migeli mmweyo wa vathangeli va hombe a tile e ta ni vhuna, kambe ani ni to sala koneho ni vafumeli va Persiya.

Mtuletelo 12:7

Se ku to wuka yimbi nzumani: Migeli ni tingelozi takwe va lwite ni mwamilambo. Mwamilambo a lwite a di ni tingwelozi takwe,

Johani 20:28

Se Tomasi a to khene: “Mkoma wangu ni Txizimu txangu!”

Matewu 22:44

“Mkoma a wombile ka Mkoma wangu a txi khene: Khalahatsha ngu txineneni kwangu kala kuza ni khozisa valala vako ni txi va maha txikhigelo txa mikondo yako.”

Matewu 8:2

Sekoko a txi ta kwakwe m'thu wa tshekela, a txi mu khizamela a txi khene: Mkoma ngako u txi ti lava, u na ni mtamo wa ku ni basisa.”

Dhaniyeli 10:21

Aniko ni na kugela ti ti nga bhalwa dibhukuni ka ditshuri; kha ku na wu a ni vhunako kulwa ni vale, hahanze ka Migeli mthangeli wanu.

Isaya 6:8

Msana keto, ni to pfa dipswi da Mkoma di txi kha dona: Ni na ruma mani, i mani a no hi yela kani? Sekoko ni txi khani: Ngani wuwa, ni rume ani!

Mitengo 16:45

Khukhani hagari ka msengeletano wuwa, ni na wu lovisa ngu mbimwanyana; sekoko Mosi ni Aroni va to wa hahatshi ngu tikhohe tawe.

Vahebheru 2:10

Kha ditshuri, ti ni fanelo, ti to awule a lumbwako ngu sotshe, awu kambe i ku ene a nga si va nga, ngako a nga lava kuguleta vanana vavangi a txi va veka ka txikhunja txa wudhumo, e thanga ngu kusawulekisa Muhanyisi wa kona ngu wuhetiseki wa sixaniso.

Vafilipiya 3:8

Ngu ditshuri, sotshe ni si wona si si vhuni txilo, ngako ni txi si dinganisa ni lisima la kuziva Kristu Jesu, Mkoma wangu. Ngu mhaka yakwe, sotshe ni si tshotshile, kambe ni si wona i di nzambwa, kasiku ni mana Kristu;

Mithumo 9:6

Aniko khukha u txi wulela didhoropani, se u na gelwa ti u fanelako ku ti maha.”

Luka 1:43

Se ti khukhela hani ti to teka ani ni ta dingulwa ngu Mame wa Mkoma wangu kani?

Masalmo 110:1

Mkoma a ti khene ka nyamne wangu: “Khalahatsha txineneni kwangu, kala kuza ni khozisa valala vako ve maha txikhigelo txa mikondo yako.”

Levhi 9:24

Ngu masoni ka Mkoma, ku to huma mndilo wu wu nga hisa mningelo wo hiswa, ni mafura awa ma nga ti ngu txitimwi ka txiluvelo. Mbimo yi vathu va nga ti wona totshe tiya, va to kwangula ngu kutsaka va txi ti wisa hahatshi, ngu tikhohe tawe.

Eksodha 4:10

Sekoko Mosi a to khene ka Mkoma: “Yowe! Mkoma! Ani kha ni nga m'thu wo womba-womba ta tinene, hambi nyamnova, hambi nyatulo, hambi nyamsi konkuwa u nga womba-womba ni txithumi txako; kha ni sikoti kuwombawomba ta tinene, nguko ni m'thu wa kukangamela ni txidimiti.”

Genesisi 17:17

Sekoko Abrahamu a to ti wisa hahatshi ngu mbanza na a txi seka, nguko a txi ti wotisa mbiluni kwakwe, a txi khene: “Ina wamwamna wu a ku ni 100 wa malembe a nga ngadi e veleka mwanana kani? Ni Sara wu a ku ni mtxhanu ni mune wa magumi a malembe, a nga ngadi e veleka mwanana kambe kani?”

Luka 5:12

Ngako Jesu a di ka dimwani didhoropa, ku to maneka koneyo wamwamna, wu a nga ti tate ngu tshekela. Ahawa a nga wona Jesu, a to ti wisa hahatshi ngu khohe, a txi kombela a txi khene: “Mkoma, ngako u txi ti lava, u nga ni basisa.”

Mitengo 16:22

Se vona va towa ngu tikhohe tawe, ve dila, va txi kha vona! Awe Txizimu! Txizimu txa mihefemulo ya nyama yotshe! Ina wa so henyela wotshe msengeletano, ngu mhaka ya txionho txa m'thu mmweyo kani?

Eksodha 4:13

Ti di ngeto, Mosi a xamute a txi khene: “Ahim-him! Mkoma! Ruma mmwani a txi ya maha mthumo ewo.”

Masalmo 24:10

I mani ene Mkoma wuwa wa Wudhumo kani? Mkoma wa Mabutho a Tiyimbi; ene ngene Mkoma wa Wudhumo.

Mitengo 22:31

Sekoko koneko, Mkoma a to tula maso a Bhalahamu, ti to e wona Ngelozi ya Mkoma yi di emile ha nzila, yi di ni ditxhari do hinda manzani; a to khizama e namisa khohe yakwe ha mafuni.

Joxuwa 20:1

Mkoma a to womba kambe ka Joxuwa a txi khene:

2 Samuwele 7:19

Eto ti vi tidotho masoni kwako, Mkoma Txizimu, aniko awe u wombawombile ngu nyumba ya txithumi txako ka timbimo ti titako; Ina ngu txona etxo txihena txa vathu, awe Mkoma Txizimu kani?

2 Samuwele 7:20

Njitxani kambe a nga txi wombako Dhavhidha kwako kani? Nguko awe wa txi ziva kha kwati txithumi txako, awe Mkoma Txizimu.

Ezekhiyele 3:23

Se ni to khukha ni tsula mkovani, wona taku koneyo ku ti ni wudhundo wa Mkoma, wo fana ni wudhundo wule ni nga wu wona hafuni ni mnambo wa Kebhari; se ni to wa ngu khohe.

Dhaniyeli 8:11

Se li li to ti tikulisa kala ka mthangeli wa dibutho; li mu tekela mphaxo wo hiswa wa ditshiku ni ditshiku, li wisa hahatshi wukhalo wakwe wo sawuleka.