Joxuwa 5:11 - Bhiblia Yo Sawuleka

¹¹ Se va to dya fulaho ya ditikonimo, ya dilembe di nga pinda, mangwanani ka kona, msana ka Pasika, va to dya mapawu o mbi tshumbelwa ni mafaka o yokwa, ka dona ditshiku edo.

Joxuwa 5:11 Referans Kwoze

Levhi 23:14

Mi nga dyeni mapawu, hambi fulaho yo katingwa, mwendo miburu, kala donedo ditshiku mi no va mi txi tisa mningelo, wa nyanda yo ndiwitela, ka Mkoma, Txizimu txanu; awuwa mthetho mbwa yotshe mbimo kala kupinduka, ka liveleko ni liveleko la ka kwanu, kotshe mu mi no maneka mi di akile kona.

Levhi 23:6

se ka ditshiku da digumi ni mtxhanu ka wonewo mtxima, m'buso wa mapawu o mbi tshumbelwa, wu mahelwako Mkoma;

Mitengo 15:19

sekoko ku na maheka tito, mbimo yi mi no lava kudya sakudya sa ha mafuni, mi na ningela mningelo wo ndiwutelwa ka Mkoma.

Joxuwa 5:10

Mbimo yile koko vanana va ka Israyeli va nga ti govile Giligali, va to maha txialakanyiso txa Pasika, ka ditshiku da digumi ni mune ka mtxima, ni minova, tibalani ka Jeriko.

Joxuwa 5:12

Se mangwanani ka kona, manna ma to leka kuwa, msana ka kule va nga dya fulaho ya mafuni, ya dilembe di di nga pinda, se vanana va ka Israyeli kha va amukela kambe manna; aniko ka dona dilembedo, va to dya mihando ya yiphya ya ditiko da Kanana.