Joxuwa 5:10 - Bhiblia Yo Sawuleka

¹⁰ Mbimo yile koko vanana va ka Israyeli va nga ti govile Giligali, va to maha txialakanyiso txa Pasika, ka ditshiku da digumi ni mune ka mtxima, ni minova, tibalani ka Jeriko.

Joxuwa 5:10 Referans Kwoze

Eksodha 12:6

mi na txi veketa kala ka ditshiku da digumi ni mune ka wona mtximewo, ni msengeletano wotshe wa nyumba ya ka Israyeli wu na txi daya ni minova.

Ezekhiyele 12:3

Awe koko mwanana wa m'thu, lulamisela siya u na rura ditikoni, se ni mitshikari u na khukha ka wukhalo wako, va txi kuwona; se ngu ka wukhalo wako, u na khukha uya ka wumwani wukhalo, va txi kuwona; ti nga koteka kuva txi ti wona kha kwati eto, hambiko i ku va nyumba ya kutitsimba.

Eksodha 12:18

Ka mtxima wo khata, ka ditshiku da digumi ni mune da mtxima, ni minova, mi na dya mapawu o mbi tshumbelwa kala ni minova ya ditshiku da magumi mambidi ni dimwedo ka mtxima wonewo.

Levhi 23:5

Ka mtxima wo khata, ka ditshiku da digumi ni mune ka mtxima, ni minova, i Pasika ya Mkoma;

Joxuwa 4:19

Vathu va to huma koko ngu Jordhani, ngu ditshiku da digumi ka mtxima wo khata; se va to ya gova Giligali, ngu diphambo da wutxani ka Jeriko.

Joxuwa 5:11

Se va to dya fulaho ya ditikonimo, ya dilembe di nga pinda, mangwanani ka kona, msana ka Pasika, va to dya mapawu o mbi tshumbelwa ni mafaka o yokwa, ka dona ditshiku edo.

Joxuwa 9:6

Se va to ta wugoveloni ka Joxuwa, kona Giligali, va txi ya gela Joxuwa ni va ka Israyeli, va txi kha vona: “Hi ta ngu ditikoni ka kule, mahani koko konkuwa txitumelelano ni nathu.”

1 Samuwele 7:16

Se dilembe ni dilembe Samuwele a ti ti tsula eya rendelekela Bheteli, ni Giligali, ni Misipa; se e lamula va ka Israyeli ka otshe makhalo ale.

2 Samuwele 15:28

Wonani ta ku ani na zumba tithembweni ta txiwulani kala kuza ni mana thenga yanu.

Jeremiya 39:5

Aniko yimbi ya Vakaldheya yi to va tutumisa, yi txi ya ñola Zedhekiya mikovani ka Jeriko, va txi mu yisa ka Nebhukodhonosori, mfumeli wa Bhabhilona, i ku Ribhila ditikoni ka Hamati, a txi ya lamulwa kona.

Mika 6:5

Anu vathu vangu, alakanyani makungo a Bhalake, mfumeli wa Mowabhi, ni ti a nga mxamula Bhalahamu, mwana Bheyori, kukhukhela Sitime kala Giligali; kasi ku mi ziva wululamo wa Mkoma.

Eksodha 12:11

Ngu toneto, mi no dyisa tona: Mi di sungile siwunu sanu, mi di ambate tikathula mikondoni kwanu, mi di ñote mitxheketelo manzani; kambe mi na dya ngu txikuluveta; nguko i Pasika ya Mkoma.