Joxuwa 5:1 - Bhiblia Yo Sawuleka

¹ Se ku to maheka taku, va di ti engisile votshe vafumeli va Vaamori, avale va nga ti akile mtxhatuko ka Jordhani, ngu mswa-ditambo, ni votshe vafumeli va Vakanana, avale va nga ti hafuhi ni linene lile Mkoma a nga ti omisile mati a Jordhani, masoni ka vanana va ka Israyeli, kala kuza hi pinda, timbilu tawe ti to txutxeka, ve wika misana ngu mhaka ya vanana va ka Israyeli.

Joxuwa 5:1 Referans Kwoze

Mitengo 13:29

Vaamaleki va akile ngu didhawa da wulambwe, Vaheti, ni Vajebhusi, ni Vaamori, va akete mmangoni. Vakanana va akile hafuhi ni linene, ni txinambwanani ka Jordhani.”

1 Vafumeli 10:5

ni sakudya sa ha mezani kwakwe, ni mazumbelo a sithumi sakwe, mathumelo a vathu vakwe, ni syambalo sawe, ni vatheleli va magombe akwe, ni mu a nga ti kwela ngu kona kuya Nyumbani ka Mkoma, a to pwata ni to womba.

Mtuletelo 18:10

Va di emile ngu kule, ngu kuthava sixaniso sakwe, va na womba va txi kha vona: “Ayiwee, ayiwee, didhoropawe da hombe, Bhabhilona, didhoropa da mtamo, nguko kunukunuko u hoketwe ngu txitsayiso txako.”

Amosi 2:9

Kasi ngani ni nga va lovisela Vaamori, vathu vo lapha ku nga mindonga ya mikedhari, ni mitamo yo nga ya mikusu; kambe ni hoxotile mihando yawe ya txitimwi, ni mitwi yakwe ngu hahatshi.

Dhaniyeli 5:6

Sekoko khohe ya mfumeli yi to kwalala ngu kuthava, ni mapimo akwe ma to vhinganyeka; tinyonga takwe ti txi hololo, ni mazolo akwe me gumulana.

Ezekhiyele 21:7

Ina mbimo yile va no kha vona: U hefemuteka ngu kutxani kani? Awe u na khawe: Ngu mhaka ya ti tatiphya titako; se totshe timbilu ti na tsivala, otshe manza ma na karala, wotshe moya wu na xomuleka, ni otshe mazolo ma na txutxeka me maha mati; wona taku tata, kambe ti na maheka, kuwomba Mkoma Txizimu.

Ezekhiyele 16:3

U txi khawe: Mkoma Txizimu a khene ka Jerusalema: Wuzikwa wako ni kuvelekwa kwako, si khukhela ka ditiko da Vakanana; tate wako i ti ti Muamori, se mwamwako i ti ti Muheti.

Masalmo 135:11

Seyoni, mfumeli wa Vaamori, ni Oge, mfumeli wa Bhasani, ni votshe vafumeli Vakanana.

Ezra 9:1

Na ti di gwitile totsheto, va tile kwangu madhota ma txi ta kha ona: Vathu va ka Israyeli ni vaphaxeli, ni Valevhi, kha va zivi ku ti hambanisa ni vathu va matiko awa, ngu kulondisela sinyenyeko sa Vakanana, Vaheti, Vaferezi, Vajebhusi, Vaamoni, Vamowabhi, Vaegipta, ni Vaamori,

2 Samuwele 21:2

Sekoko mfumeli a to dhana Vagibheyoni e ta khene kwawe: (Vagibheyoni i si nga va vanana va ka Israyeli, kambe i ti miboti ya Vaamori; aniko vanana va ka Israyeli va ti va xambanyete, nguko Sawule a lavile ku va daya ngu kupandisekela, vanana va ka Israyeli, ni va ka Judha).

1 Samuwele 25:37

Ku to maheka koko taku, ni mixo, a di zangulukile vhinya Nabhali, msikati wakwe a to mtxhamusela mapswi ale; se mbilu yakwe yi to guma mtamo, a txi nga dirigwi.

Valamuli 11:23

Sekoko nga ku Mkoma Txizimu txa ka Israyeli, a nga honyola ka va ka Amori ditiko dawe, a txi di ningela ka vathu vakwe va ka Israyeli, se awe ngawe u no hi tekela kani?

Valamuli 4:2

Se Mkoma a to va ningela manzani ka Jabhini, mfumeli wa Kanana, a nga ti fumela Hazori; se Sisera i ti ti nduna ya dibutho da kona, awule a nga ti akile Haroseti-wa vamatiko.

Valamuli 3:3

Mtxhanu wa vathangeli va Vafilista, ni votshe Vakanana, ni Vasidhoni, ni Vahevhi, vale va nga ti akile mmangoni ka Libhanoni, kukhukhela mmangoni ka Bhahali-Hermoni kala ka txike txa Hamati.

Valamuli 1:1

Se ku to maheka taku msana ka kufa ka Joxuwa, vanana va ka Israyeli, va to wotisa ka Mkoma, va txi kha vona: I mani hagari kwathu a no khata ene e kwela, a txi ya ka Vakanana, ku yalwa navo kani?

Joxuwa 24:15

Aniko, ngako ti si tsakisi masoni kwanu kuthumela Mkoma, sawulani nyamsi awule mi no mthumela: Mwendo sizimu sile vatate vanu va nga si thumela mtxhatuko ka mnambo, mwendo sizimu sa Vaamori, evo mi zumbako ditikoni kwawe; aniko ani ni nyumba yangu, hi na khozela Mkoma!”

Joxuwa 17:18

ngu toneto, mimango i nava yanu, hambiko i ku txitinga, mi na txi sakata, ni tinzila ta kona ti na mi lumba. Kambe mi na tutumisa Vakanana, hambiko va ku ni makalitxhi a tisimbi ni kambe hambiko va ku ni mtamo.”

Joxuwa 17:12

Aniko nguko vanana va ka Manasi va nga mbi sikota kukhozisa madhoropa awa, Vakanana va to tsana va txi aka ditikonimo.

Eksodha 23:28

Ni na rumela kambe mifi masoni kwako, ati to yi txi tutumisa Vahevhi, Vakanana ni Vaheti va txi thava masoni kwako.

Genesisi 48:22

Se ani ni ku ningile ditiko di di ku masoni ka vananu, adi ni ngadi honyola ka Vaamori, ngu ditxhari dangu ni wulaho wangu.

Genesisi 12:6

Abramu a to tshawunyeta ditiko kala a txi ya hoka ka mkusu wa More, wu nga ti ka wukhalo wa Sikemi; sekoko Vakanana va ti akile ka dona ditiko diya.

Isaya 41:5

Sitondolo si ti woni, si thava; mafu otshe ma to zinginika, si to tshuketa, si txi ta.

Joxuwa 3:16

ma to ema mati ale ma nga txi relela ngu txitimwi; me maha mmumbu, kule ngutu ni didhoropa da Adhani, di ku ngu didhawa ka Saretani; se ale ma nga ti ti relela ma txi ya Mikovani ka linene, i ku Linene la Mnyu, ma to wika, ma txi ema otshe; sekoko vathu va to txhatuka ngu masoni ka Jeriko.

Joxuwa 3:17

Aniko vaphaxeli vale va nga txi rwala dibhokiso da txitumelelano txa Mkoma, va to ema va txi hwe amu ka kuoma, hagari ka Jordhani; se votshe va ka Israyeli va to tshawunyeta na ku di omile, kala kuza votshe vathu va txi guma kutxhatuka Jordhani.