Joxuwa 4:9 - Bhiblia Yo Sawuleka

⁹ Joxuwa a to emisa mamwani marigwi a digumi ni mambidi hagari ka mnambo wa Jordhani, ka wukhalo wule va nga ti emile ka wona, vaphaxeli vale va nga ti rwate dibhokiso da txitumelelano; marigwiyo ma nga diho kala ka ditshiku da nyamsi.

Joxuwa 4:9 Referans Kwoze

1 Samuwele 7:12

Sekoko Samuwele a to teka dirigwi e di emisa hagari ka Misipa ni Semi, kambe a to raya ditina daku Ebhenezeri, a txi khene: Kala hawa, Mkoma a hi vhuni.

2 Makronika 5:9

Se siñolo sa dona si ti ti laphile, aha koza titshoka ta sona ti woneka ka wukhalo wo khongela ka wona, na u di ka wukhalo wo sawuleka ngutu; ani ngu hahanze si si woneki; si zumbile konaho, kala ka ditshiku da nyamsi.)

2 Samuwele 4:3

Se Vabheyerote va thavete kuya Gitayini, nguho va nga aka kona kala ditshiku da nyamsi.

1 Samuwele 30:25

Kukhukhela ka ditshiku donedo ni kuya masoni ku to mahisa toneto, a to si veka kuva txileleto ni txihena ka va ka Israyeli, kala ka ditshiku da nyamsi.

Valamuli 1:26

Sekoko, wamwamna wule, a to rura a txi tsula ka ditiko da Vaheti, a txi ya aka didhoropa adi a ngadi raya ditina daku i Luza; adiya nditina da dona kala ka ditshiku da nyamsi.

Joxuwa 24:26

Joxuwa a bhate mapswiyo amu ka dibhuku da mlayo wa Txizimu. Ngu msana a to teka dirigwi da hombe e di emisa konaho, hahatshi ka mkusu, wu nga ti hafuhi ka nyumba yo sawuleka ya Mkoma.

Dhewuteronome 34:6

Se ene a to tshotshwa mkovani, ditikoni ka Mowabhi, ngu masoni ka Bheti-Peyori; aniko ni wammweyo kha kuzivi ahale a nga kelelwa kona, kala ka disthiku da nyamsi.

Eksodha 28:21

marigwi a mtengo wa hombe, ma nava a mtengo wa vanana va ka Israyeli: Digumi ni mambidi wa matina, nga ti mtengo wawe i ku tona, ma nava ma di bhatwe ngu ku khwekhwetela nga txialakanyiso, dimwani ni dimwani di na va ni ditina da kona, ku nga tihunzu ta digumi ni timbidi, ta va ka Israyeli.

Eksodha 24:12

Sekoko Mkoma a to khene ka Mosi: “Kwela u txi ta zumba hawa kwangu, mmangoni; se ni na kuninga sileti sa marigwi, ni milayo, ni sirumo si ni nga si bhala, kasi ku u txi ya va gondisa.”

Genesisi 28:18

Sekoko Jakobe a di wukile ni mixo, a to teka dirigwi di a nga ti di mahile txikhigelo, e di emisa di maha txialakanyiso, e thela mtona tximwi ka dona.

Genesisi 26:33

Se txisimetxo, Isaake a txi dhani ku i Sebha. Ngu konaho di khukhelako kona ditina da didhoropa, daku i Bherisebha, kala ka ditshiku da nyamsi.

Matewu 28:15

Vona va to teka male ve mahisa tonti va nga leletiswa tona. Se mawombelo awa ma to hangalaka hagari ka Vajudha, ti wombiswa toneto kala ni nyamsi.

Matewu 27:8

Ngu kota yeto, thembweyo kala ditshiku da nyamsi yi dhanwa ku i “Thembwe ya Mnoha.”

1 Vafumeli 18:31

Se Elija a to teka digumi da marigwi ni mambidi, madingano ni mtengo wa tihunzu ta vanana va Jakobe, se di to ta kwakwe dipswi da Mkoma, di txi ta kha dona: Ditina dako u na va Israyeli.

Joxuwa 4:10

Vaphaxeli vale koko va nga ti rwate dibhokiso, va to ema hagari ka Jordhani, kala kuza ti txi maheka totshe ti Mkoma a nga leletela ka Joxuwa, kasiku e gela vathu, madingano ni ti Mosi a nga gelisa tona Joxuwa. Sekoko vathu va to kuluveta va txi tshawunyeta.