Joxuwa 4:5 - Bhiblia Yo Sawuleka

⁵ se a to va gela ku khene: Pindani mi txi ya masoni ka dibhokiso da txitumelelano txa Mkoma, Txizimu txanu, hagari ka Jordhani; mmweyo ni mmweyo a na pakate dirigwi dimwedo, madingano ni mtengo wa tihunzu ta vanana va ka Israyeli,

Joxuwa 4:5 Referans Kwoze

Joxuwa 4:4

Joxuwa koko a to dhana vavamna vale va digumi ni vambidi, va nga sawulwa ka vanana va ka Israyeli, wamwamna mmweyo ka lihunzu ni lihunzu,

Joxuwa 4:6

kasi ku atiya, ti na maha txikombiso hagari kwanu; se ngako, vanana vanu va txi na mi wotisa ka masiku a matako, va txi kha vona: Ma komba txani kwanu marigwi awa kani?

Genesisi 31:46

Se Jakobe a to womba ka vanawe, a txi khene: “Sengeletelani marigwi.” Vona va to rolela marigwi, va txi maha mmumbu ngu ona, va txi dyela Txitimwi ka wona.

Eksodha 24:4

Se Mosi a manekile a txi bhala otshe mapswi a Mkoma, se ni mixo a to khukha eya aka txiluvelo hafuhi ka mmango, ni tiphande ta digumi ni timbidi ta marigwi, a txi dinganisa tihunzu ta digumi ni timbidi ta va ka Israyeli.

Dhewuteronome 9:1

Awe Israyeli, engisa: Nyamsi u na txhatuka mnambo wa Jordhani, kasi kuya khozisa mifumo ya hombe ngutu, ni mtamo wa hombe kupinda awe, ni madhoropa a hombe o bhiywa ngu diguma do lapha kala nzumani.

Dhewuteronome 27:2

Ku na maheka taku, ka ditshiku di mi no txhatuka mnambo wa Jordhani, mi txi ya wulela ka ditiko dile Mkoma, Txizimu txako, a no kuninga, u na ya emisa marigwi a hombe, u txi ma penda.

Joxuwa 22:10

Ngako va di hokile hafuhi ka mnambo wa Jordhani, ditikoni ka Kanana, vanana va ka Rubheni, ni vanana va ka Gadhi, ni vanana va hafu ya lihunzu la ka Manasi, va to aka kona ha mabambe ka mnambo wa Jordhani, txiluvelo txa hombe, atxi txi nga txi woneka ni kule.