Joxuwa 4:3 - Bhiblia Yo Sawuleka

³ kambe va leleteni mi txi khanu: Tekani kona hagari hawa ka Jordhani, ka wukhaloni wule vaphaxeli va nga ti emile kona, digumi da marigwi ni mambidi; mi txi rwala mi tsula nawo ka dimwani didhawa, kasi ku mi txi ya ma veka ka wukhalo wule mi no ya otela ka wona wusiku wuwa.”

Joxuwa 4:3 Referans Kwoze

Joxuwa 4:8

Vanana va ka Israyeli koko, va to mahisa tonti Joxuwa a nga ti ti va leletisile tona, se va to teka digumi da marigwi ni mambidi a hagari ka Jordhani, nga ti Mkoma a nga gelisa tona Joxuwa, madingano ni mtengo wa tihunzu ta vanana va ka Israyeli, ve txsula nawo wugoveloni, va txi ya ma veketela kona.

Joxuwa 3:13

Nguko ku na maheka taku, mbimo yile mikondo ya vaphaxeli vale va rwalako dibhokiso da txitumelelano txa Mkoma, Mkoma wa otshe mafu, yi txi kanda mati a Jordhani, ma na wika mati a Jordhani, se mati ale ma relelako ngu txitimwi, ma na ema ma txi maha ndunduma.”

Luka 19:40

Kambe Jesu a va angute a txi khene: “Na mi gela ku khani: Ngako vona va txi malala, marigwi ma na kwangula.”

Masalmo 103:2

Ni lava kudhumisa Mkoma ngu wotshe moya wangu, ni si divali ni txa tximwetxo ka sihiwa sakwe.

Masalmo 11:4

Mkoma a Nyumbani kwakwe ko sawuleka; Mkoma ana ni txikhalo txakwe txa wukoma nzumani, se ngu maso akwe ma wonako ta tinene, wa xayisa vathu kha kwati.

1 Samuwele 7:12

Sekoko Samuwele a to teka dirigwi e di emisa hagari ka Misipa ni Semi, kambe a to raya ditina daku Ebhenezeri, a txi khene: Kala hawa, Mkoma a hi vhuni.

Joxuwa 24:27

Joxuwa a wombile kambe ka vathu a txi khene: “Wonani dirigwi diya di na va fakazi yi yi no hi mangalela athu, nguko dona di engisile otshe mapswi awa Mkoma a nga hi gela; di na va fakazi kwathu, kasiku, anu mi; si kaneti Txizimu txanu.”

Genesisi 28:22

ni dirigwi diya ni ngadi emisa di txi maha txialakanyiso, di na va i di Nyumba ya Txizimu, sotshe si u no ni ninga, ni na ku humisela sa wugumi ka sona.

Joxuwa 4:4

Joxuwa koko a to dhana vavamna vale va digumi ni vambidi, va nga sawulwa ka vanana va ka Israyeli, wamwamna mmweyo ka lihunzu ni lihunzu,